🔥 ट्रेंडिंग IMD ने शिलांग चेरी ब्लॉसम फेस्टिवल के... द वीक ने प्रकाशित किया पर्यावरणीय विडं... बॉलीवुड सितारे साझा करें जीवन के सबक I... सारा अर्जुन ने नई शुरुआत के साथ स्क्री... कोफ़ी विद करन सीज़न 9 का प्रीमियर: 'आप... रोहित रॉय की बेटी शशांक खaitan की फिल्...
20 नव. 2026•
ગુજરાતી मराठी ਪੰਜਾਬੀ বাংলা
अपराध

કામરેજ: રિક્ષા ચાલકના ખાતામાંથી OTP દ્વારા 2.10 લાખની છેતરપિંડી

✍️ रिपोर्टर: Maheta Dhavalkumar Jitendrabhai 🗓 15 अक्टू. 2026, 04:10 PM 👁 70
शेयर करें: 💬 WhatsApp 📘 Facebook 𝕏 Post

કામરેજના નવાગામમાં એક રિક્ષા ચાલક સાથે મોબાઇલ પર OTP મેળવીને બેંક ખાતામાંથી 2.10 લાખ રૂપિયાની છેતરપિંડીનો બનાવ બન્યો છે. સમયસર બેંક પહોંચી જતાં વધુ નુકસાન અટકાવી શકાયું.

કામરેજ તાલુકાના નવાગામમાં રહેતા રિક્ષા ચાલક નિતેશ પટેલ સાથે મોબાઇલ પર OTP મેળવીને બેંક ખાતામાંથી રૂપિયા ઉપાડી લેવાની ઘટના બની છે. નિતેશ પટેલના મોબાઇલ પર અચાનક ઘણા OTP આવવા લાગ્યા હતા. તે કંઈ સમજે તે પહેલાં જ તેમના સેન્ટ્રલ બેંક ઓફ ઇન્ડિયાના ખાતામાંથી કુલ 2.10 લાખ રૂપિયા ઉપડી ગયા હતા.

ઘટના સમયે નિતેશભાઈ ઘરે હાજર હતા ત્યારે તેમના મોબાઇલ પર ઉપરાઉપરી OTP આવવા લાગ્યા હતા. ત્યારબાદ તરત જ તેમના ખાતામાંથી 29,980 રૂપિયા ડેબિટ થયાનો મેસેજ આવ્યો. આ જોઈને તેઓ ગભરાઈ ગયા અને વધુ નુકસાન અટકાવવા માટે તેમણે તાત્કાલિક પોતાનો મોબાઇલ સ્વીચ ઓફ કરી દીધો અને સીધા બેંક પહોંચ્યા.

બેંક પહોંચ્યા બાદ, મેનેજરે તેમને OTP મેસેજ બતાવવા કહ્યું. નિતેશભાઈએ ફોન ચાલુ કરતા જ તરત જ 30 હજાર, 29,999 અને 40-40 હજાર રૂપિયાના ત્રણ મોટા ટ્રાન્ઝેક્શનના મેસેજ આવ્યા. આ જોઈને બેંક મેનેજરે તાત્કાલિક ધોરણે તેમનું બેંક એકાઉન્ટ ફ્રીઝ કરી દીધું હતું, જેનાથી વધુ નાણાકીય નુકસાન થતું અટકાવી શકાયું.
📲Get App