🔥 TRENDING Sonia Gandhi's Memoir: A Journey Throu... Gaurav Critiques Rahul Gandhi's Pessim... Nitin Gadkari Accepts Responsibility f... Glenn Phillips' Century Damps India's... Glenn Phillips joins Rohit Sharma’s el... Glenn Phillips Makes Cricket History w...
20 Nov 2026•
ગુજરાતી मराठी ਪੰਜਾਬੀ বাংলা

लोणावळ्यात बनावट कॉल सेंटरचा पर्दाफाश

✍️ Reporter: सतिश हजारे 🗓 16 Oct 2026, 01:08 AM 👁 401
Share: 💬 WhatsApp 📘 Facebook 𝕏 Post

लोणावळा शहर पोलिसांनी मोठी कारवाई करत मौजे नांगरगाव हद्दीतील ओमेगा सोसायटी परिसरातील ‘डेव व्हिला’ येथे सुरू असलेल्या कथित बनावट कॉल सेंटरचा पर्दाफाश केला आहे. या कारवाईत अमेरिका, कॅनडा आणि इतर देशांतील नागरिकांची कोट्यवधी रुपयांची फसवणूक केल्याचा आरोप असलेल्या तब्बल ३० जणांना पोलिसांनी अटक केली आहे.

लोणावळ्यात बनावट कॉल सेंटरचा पर्दाफाश!

अमेझॉन-गुगलचे अधिकारी असल्याचे भासवून परदेशी नागरिकांना गंडा; तब्बल ३० जणांना अटक!

📍 लोणावळा | नांगरगाव

लोणावळा शहर पोलिसांनी मोठी कारवाई करत मौजे नांगरगाव हद्दीतील ओमेगा सोसायटी परिसरातील ‘डेव व्हिला’ येथे सुरू असलेल्या कथित बनावट कॉल सेंटरचा पर्दाफाश केला आहे. या कारवाईत अमेरिका, कॅनडा आणि इतर देशांतील नागरिकांची कोट्यवधी रुपयांची फसवणूक केल्याचा आरोप असलेल्या तब्बल ३० जणांना पोलिसांनी अटक केली आहे.

🔴 अमेझॉन-गुगलच्या नावाचा गैरवापर!

पोलिसांच्या माहितीनुसार, आरोपींनी संगनमत करून लोणावळ्यातील ‘डेव व्हिला’ भाड्याने घेतला आणि तेथे बेकायदेशीर कॉल सेंटर सुरू केले होते. इंटरनेट, मोबाईल आणि लॅपटॉपच्या माध्यमातून परदेशी नागरिकांशी संपर्क साधून आरोपी स्वतःला अमेझॉन, गुगल यांसारख्या नामांकित कंपन्यांचे अधिकारी असल्याचे भासवत असल्याचा आरोप आहे.

परदेशी नागरिकांच्या संगणकात अथवा खात्यांमध्ये अंमली पदार्थ (ड्रग्ज) सापडल्याचे सांगून त्यांच्यामध्ये भीती निर्माण केली जात होती. त्यानंतर ही भीती दाखवून संबंधितांकडून मोठ्या प्रमाणात पैसे उकळले जात असल्याचे तपासात समोर आले आहे.

💳 क्रेडिट कार्ड आणि ATMची माहितीही मिळवली जात असल्याचा आरोप

याशिवाय नागरिकांकडून क्रेडिट कार्ड, ATM कार्ड तसेच इतर गोपनीय आर्थिक माहिती मिळवून फसवणूक केली जात असल्याचा पोलिसांचा संशय आहे.

या गुन्ह्यातून मिळालेली रक्कम हवाला आणि क्रिप्टोकरन्सीच्या माध्यमातून भारतीय चलनात रूपांतरित केली जात असल्याचा पोलिसांना संशय असून, या आर्थिक व्यवहारांचा तपास सुरू आहे.

💥 लॅपटॉप, मोबाईल, वाहने आणि रोकड जप्त

या धडक कारवाईत पोलिसांनी लॅपटॉप, मोबाईल फोन, वाहने आणि रोख रक्कम असा मोठ्या प्रमाणात मुद्देमाल जप्त केला आहे.

👮‍♂️ ३० आरोपींविरोधात गुन्हे दाखल

या प्रकरणी लोणावळा शहर पोलीस ठाण्यातील पोलीस हवालदार बाळासाहेब अरुण खवडके यांनी दिलेल्या फिर्यादीवरून एकूण ३० आरोपींविरुद्ध गंभीर स्वरूपाचे गुन्हे दाखल करण्यात आले आहेत.

अटक करण्यात आलेल्या आरोपींमध्ये अमान इम्तियाज शेख, मो. फैज उर्फ नाजिश आरिफ शेख, मोहम्मद अफजल शेख, कुलदीप मनोज बागडी, रिहान सलीम घनानी, मोहम्मद अलीरजा सय्यद, तावीश मेहबूब अली शेख, कामरान इसामुद्दीन शेख, सद्वामानंद खान, सुजल खुमबहादुर राणा, अब्दुल आहाद मोहम्मद रफिक खान, झहिय वाहिद खान, जाहीद आजम शेख, धनराज देवजीत बोस, शादाब जायद सय्यद, इरफान अब्दुल गफूर शेख (कॉल सेंटर मालक), समीर इरफान शेख, इरशाद इरफान शेख, अमीर सिराज खान आणि मसूदन शमीम चौधरी यांच्यासह इतर आरोपींचा समावेश आहे.

⚖️ न्यायालयाकडून १ दिवसांची पोलीस कोठडी

अटक करण्यात आलेल्या आरोपींना न्यायालयासमोर हजर केले असता न्यायालयाने आरोपींना एक दिवसाची पोलीस कोठडी सुनावली आहे.

🚔 लोणावळा पोलिसांची मोठी धडक कारवाई!

लोणावळा शहर पोलीस ठाण्याचे पोलीस निरीक्षक महेश विधाते यांच्या मार्गदर्शनाखाली पोलीस उपनिरीक्षक प्रवीण लोकरे आणि पोलीस पथकाने ही धडक कारवाई केली.

आरोपींविरोधात भारतीय न्याय संहितेच्या (BNS) विविध कलमांसह माहिती तंत्रज्ञान अधिनियम (IT Act) आणि इतर संबंधित कायद्यांनुसार गुन्हे दाखल करण्यात आले आहेत.

🔎 या रॅकेटमागे आणखी कोणाचा सहभाग आहे? किती कोटींचे व्यवहार झाले?

या संपूर्ण प्रकरणामागे आणखी कोणाचे हात आहेत, या कॉल सेंटरमधून किती मोठ्या प्रमाणावर आर्थिक व्यवहार झाले आणि फसवणुकीची व्याप्ती किती आहे, याचा सखोल तपास पोलीस निरीक्षक महेश विधाते यांच्या मार्गदर्शनाखाली सुरू आहे.

⚠️ लोणावळ्यात परदेशी नागरिकांना लक्ष्य करणारे बनावट कॉल सेंटर नेमके किती दिवसांपासून सुरू होते? या रॅकेटमागे आणखी किती जण आहेत, हे पोलीस तपासातून समोर येणार आहे.
📲Get App