🔥 TRENDING Rahul Gandhi Says Pakistan Mediating U... PM Modi to Inaugurate First SCO Civili... Delhi's Air Quality Stays 'Severe' Whi... Unakoti District Launches JJM 2.0 Wate... Tripura CM attributes BJP's rising pop... India's First Organized Donkey Farm La...
20 Nov 2026•
ગુજરાતી मराठी ਪੰਜਾਬੀ বাংলা
સાબરકાંઠા LCB દ્વારા રાજસ્થાનથી આવતી ૩ ગાડીઓમાંથી ₹૧૪ લાખથી વધુનો વિદેશી દારૂ ઝડપાયો, ૫ આરોપીઓની ધરપકડ
Crime

સાબરકાંઠા LCB દ્વારા રાજસ્થાનથી આવતી ૩ ગાડીઓમાંથી ₹૧૪ લાખથી વધુનો વિદેશી દારૂ ઝડપાયો, ૫ આરોપીઓની ધરપકડ

✍️ Reporter: Ranjanben Dharmendrbhai Panchal 🗓 27 Sep 2026, 02:04 PM 👁 94
Watch on: ▶️ YouTube
Share: 💬 WhatsApp 📘 Facebook 𝕏 Post

સાબરકાંઠા લોકલ ક્રાઇમ બ્રાન્ચ (LCB) એ રાજસ્થાનથી ગુજરાતમાં લવાતા ભારતીય બનાવટના વિદેશી દારૂ અને બીયરનો મોટો જથ્થો ઝડપી પાડ્યો છે. પોલીસે ત્રણ ગાડીઓ, દારૂ અને અન્ય મુદ્દામાલ મળી કુલ ₹૧૪,૧૯,૬૪૩/- ની કિંમતનો મુદ્દામાલ કબજે કર્યો છે અને પાંચ આરોપીઓની ધરપકડ કરી છે.

સાબરકાંઠા LCB ની ટીમે બાતમીના આધારે કાર્યવાહી કરતા રાજસ્થાનથી ગુજરાતમાં ગેરકાયદેસર રીતે લવાતા વિદેશી દારૂ અને બીયર ભરેલી ત્રણ ગાડીઓને ઝડપી પાડી છે. આ ગાડીઓમાંથી કુલ ૫૦ પેટી ભારતીય બનાવટનો વિદેશી દારૂ/બીયર મળી આવ્યો હતો, જેની કિંમત ₹૫,૩૯,૬૪૩/- થાય છે. પોલીસે દારૂ, ત્રણ ગાડીઓ અને અન્ય મુદ્દામાલ મળી કુલ ₹૧૪,૧૯,૬૪૩/- નો મુદ્દામાલ કબજે કર્યો છે.

પોલીસ અધિક્ષક શ્રી ડૉ.પાર્થરાજસિંહ ગોહીલના માર્ગદર્શન હેઠળ LCB દ્વારા અસામાજિક પ્રવૃત્તિઓ પર અંકુશ લાવવા માટે સતત પ્રયાસો કરવામાં આવી રહ્યા છે. આ કાર્યવાહીના ભાગરૂપે, LCB સ્ટાફના માણસો ખાનગી વાહનમાં શામળાજી-હિંમતનગર નેશનલ હાઇવે પર પ્રોહિબિશન ડ્રાઇવ અંતર્ગત વોચમાં હતા. તે દરમિયાન ગાંભોઇ બ્રીજ નજીક તેમને ખાનગી રાહે બાતમી મળી હતી કે, રાજસ્થાનથી બે સ્વીફ્ટ ગાડીઓમાં દારૂ ભરીને લાવવામાં આવી રહ્યો છે અને એક ઇકો ગાડી પાયલોટિંગ કરી રહી છે.

બાતમી મળતાં જ પોલીસે ભીલોડા-ગાંભોઇ રોડ પર બામણા ત્રણ રસ્તા પાસે વાહનોની વોચ ગોઠવી હતી. બાતમી મુજબની ગાડીઓ આવતાં પોલીસે તેમને રોકવાનો ઇશારો કર્યો હતો. જોકે, ગાડીઓના ચાલકોએ પોલીસને જોઈને ગાડીઓ યુ-ટર્ન મારી ભગાડવાનો પ્રયાસ કર્યો હતો. પોલીસે પીછો કરતાં થોડે દૂર જ ગાડીઓના ચાલકો અને તેમાં બેઠેલા ઇસમો ગાડીઓ મૂકીને ભાગી છૂટ્યા હતા. પોલીસે પાંચ ઇસમોને ઝડપી પાડ્યા હતા, જ્યારે ત્રણ આરોપીઓ નાસી છૂટવામાં સફળ રહ્યા હતા.

ઝડપાયેલી ગાડીઓની તલાશી લેતાં તેમાંથી કુલ ૧૮૨૪ નંગ ભારતીય બનાવટની વિદેશી દારૂ/બીયરની બોટલો અને ટીન મળી આવ્યા હતા. પોલીસે આરોપીઓ પાસેથી દારૂ, ત્રણ ગાડીઓ (કિંમત ₹૮,૫૦,૦૦૦/-), ત્રણ મોબાઇલ ફોન (કિંમત ₹૩૦,૦૦૦/-) અને એક નંબર પ્લેટ મળી કુલ ₹૧૪,૧૯,૬૪૩/- નો મુદ્દામાલ કબજે કર્યો છે. આ અંગે ગાંભોઇ પોલીસ સ્ટેશનમાં ગુજરાત પ્રોહિબિશન એક્ટ અને ભારતીય દંડ સંહિતાની સંબંધિત કલમો હેઠળ ગુનો નોંધી કાયદેસરની કાર્યવાહી હાથ ધરવામાં આવી છે.
📲Get App