🔥 TRENDING Rajasthan United eye back-to-back wins... Hisar-Jodhpur Express Resumes Operatio... Drone discovered in residential area n... କାମାକ୍ଷାନଗର ଚିକିତ୍ସାଳୟରେ ଡାକ୍ତରଙ୍କ ମଦ... Rajasthan Power Corp to Conduct JE Rec... How to Check Rajasthan 2026 Panchayat...
19 Nov 2026•
ગુજરાતી मराठी ਪੰਜਾਬੀ বাংলা
Kol
National

Kol

✍️ Reporter: Sabir Haji 🗓 24 Sep 2026, 07:00 PM 👁 221
Share: 💬 WhatsApp 📘 Facebook 𝕏 Post

Sabir haji

દેવભૂમિ દ્વારકા: રૂપેણ બંદરના માછીમારોના પ્રશ્ને ભીમ આર્મી દ્વારા કલેક્ટરને આવેદન પત્ર પાઠવાયું
દ્વારકા:
દેવભૂમિ દ્વારકા જિલ્લાના રૂપેણ બંદર ખાતે સ્થિતિ વણસી રહી છે. મત્સ્યોદ્યોગ વિભાગ (ઓખા અને વેરાવળ) દ્વારા રૂપેણ બંદરની આશરે 400 થી 500 જેટલી નાની માછીમારી OBM હોડીઓના નોંધણી પ્રમાણપત્ર અને લાયસન્સ અચાનક રદ કરી દેવામાં આવ્યા છે, જેના વિરોધમાં સ્થાનિક માછીમારો અને ભીમ આર્મીના પદાધિકારીઓ દ્વારા જિલ્લા કલેક્ટરને લેખિત આવેદન પત્ર પાઠવવામાં આવ્યું છે.
રોજી-રોટી અને આજીવિકાનો ગંભીર પ્રશ્ન
ભીમ આર્મીના દ્વારકા, પોરબંદર અને ગીર સોમનાથ જિલ્લા ઉપાધ્યક્ષ ભેંસલીયા અમીન કાસમ દ્વારા રજૂ કરવામાં આવેલા આ આવેદન પત્રમાં જણાવવામાં આવ્યું છે કે, હોડીઓના લાયસન્સ રદ થવાથી સ્થાનિક માછીમારો માટે રોજી-રોટી અને આજીવિકાનો વિકટ પ્રશ્ન ઊભો થયો છે. માછીમારોને ટોકન ન મળવા, દસ્તાવેજો અંગેની ગેરસમજ અને બંધારણની કલમ 21 (જીવવાનો અધિકાર) ના ભંગ જેવા ગંભીર મુદ્દાઓ ઉઠાવવામાં આવ્યા છે.
તપાસના આદેશ છતાં સ્થળ તપાસ શૂન્ય
રજૂઆતમાં વધુમાં જણાવાયું છે કે, આ અંગે અગાઉ તા. 7 અને 8 સપ્ટેમ્બરે વેરાવળ તથા ઓખાના મત્સ્યોદ્યોગ અધિકારીઓને રજૂઆત કરવામાં આવી હતી. તેમજ ગાંધીનગર કમિશનરશ્રીને ઈમેલ મારફતે જાણ કરવામાં આવતા, કમિશનર કાર્યાલય તરફથી 3 દિવસમાં તપાસ કરી રિપોર્ટ સોંપવાનો હુકમ કરવામાં આવ્યો હતો. છતાં પણ આજદિન સુધી કોઈ જ અધિકારી દ્વારા સ્થળ પર આવીને તપાસ કરવામાં આવી નથી.
તાત્કાલિક દરમિયાનગીરી કરવા માંગ
માછીમારોની વહારે આવેલા ભીમ આર્મીના પ્રતિનિધિઓએ જિલ્લા કલેક્ટરશ્રીને આ મામલે તાત્કાલિક દરમિયાનગીરી કરી, રૂપેણ બંદરની OBM હોડીઓના રદ કરાયેલા દસ્તાવેજો અને લાયસન્સ પુન: જારી કરવા માટે મત્સ્યોદ્યોગ વિભાગને આદેશ આપવા નમ્ર અપીલ કરી છે.
📲Get App