🔥 TRENDING Tripura High Court Orders NHIDCL to Su... Captain Sanjay’s New Merchant Navy Ini... Himachal CM Sukhu Defends Minister Neg... અમરેલી-સાવરકુંડલા હાઈવે પર એસ.ટી. બસના... Himachal Pradesh: India's Pharmacy Tur... आगरा में 198 दीपों से वीरांगना रानी लक...
20 Nov 2026•
ગુજરાતી मराठी ਪੰਜਾਬੀ বাংলা
Local

कासप येथे मोफत आरोग्य तपासणी शिबिरात ६३ नागरिकांनी लाभ घेतला

✍️ Reporter: Dr.Aniket Mestri 🗓 13 Oct 2026, 10:32 PM 👁 96
Watch on: ▶️ YouTube
Share: 💬 WhatsApp 📘 Facebook 𝕏 Post

भारतीय महाक्रांती सेना आरोग्य विभाग आणि अष्टविनायक हॉस्पिटल यांच्या सहकार्याने कासप अंगणवाडीत १३ ऑक्टोबर २०२६ रोजी मोफत आरोग्य तपासणी शिबिर आयोजित केले, ज्यात ६३ नागरिकांनी विविध आरोग्य तपासण्या घेतल्या.

कासप अंगणवाडीत १३ ऑक्टोबर २०२६ रोजी भारतीय महाक्रांती सेना आरोग्य विभाग, अष्टविनायक हॉस्पिटल (मोहपाडा, रसायनी), जिल्हा क्षयरोग केंद्र रायगड व जिल्हा आरोग्य विभाग यांच्या संयुक्त विद्यमाने मोफत आरोग्य तपासणी शिबिर संपन्न झाले.

राष्ट्रीय आरोग्य अभियानांतर्गत चालू असलेल्या 'क्षयरोग मुक्त भारत – १०० दिवस मोहिमे' अंतर्गत या शिबिरात रक्तदाब, रक्तातील साखर, ईसीजी, डॉक्टरांचा सल्ला व क्षयरोगाबाबत जनजागृती यांसारख्या विविध आरोग्य तपासण्या उपलब्ध केल्या गेल्या.

शिबिरात एकूण ६३ नागरिकांनी तपासणी घेतली आणि ११ रुग्णांना पुढील उपचारांसाठी अष्टविनायक हॉस्पिटल, मोहपाडा येथे संदर्भित करण्यात आले.

शिबिराच्या यशस्वी आयोजनात डॉ. अनिकेत मेस्त्री, डॉ. प्रेम पोतदार, स्टाफ नर्स स्नेहल कांबळे, लीना पाटील आणि सहाय्यक अशोक उगलमुगले यांनी महत्त्वाची भूमिका बजावली.

वावेघर उपकेंद्राचे समुदाय आरोग्य अधिकारी श्रीम. अनिता मोरे, परिचारिका श्रीम. श्वेता कोदे व आरोग्य सेवक अशोक मेटकरे, आशा सेविका कविता चौधरी, अंगणवाडी कर्मचारी कविता कोंडेकर, नंदिनी पाटील व ग्रामपंचायत कार्यालय यांनीही समन्वय साधून शिबिर यशस्वीरीत्या पार पाडले.
📲Get App