🔥 ट्रेंडिंग સબ ડિસ્ટ્રિક હોસ્પિટલ ઝાલોદમાં વિશ્વ એ... श्री नीरज गुप्ता सीनियर नेता बीजेपी सम... ट्रंप, शी और पुतिन ने जारी किया 'शांति... नागालैंड डियर लॉटरी के परिणाम 20 नवम्ब... नागालैंड के JHADC की शीतकालीन सत्र शुर... मणिपुर में डिजिटल प्लेटफ़ॉर्म Digi‑SAP...
20 नव. 2026•
ગુજરાતી मराठी ਪੰਜਾਬੀ বাংলা
कळंबोली मधील राजे मित्र मंडळाची १५ वर्षांची पर्यावरणपूरक परंपरा , कृत्रिम हौदात ‘श्रीमंत’ गणपतीचे विसर्जन
स्थानीय

कळंबोली मधील राजे मित्र मंडळाची १५ वर्षांची पर्यावरणपूरक परंपरा , कृत्रिम हौदात ‘श्रीमंत’ गणपतीचे विसर्जन

✍️ रिपोर्टर: Shrinath Dattatray Lad 🗓 28 सित. 2026, 01:30 PM 👁 82
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post
कळंबोली मधील राजे मित्र मंडळाची १५ वर्षांची पर्यावरणपूरक परंपरा कृत्रिम हौदात ‘श्रीमंत’ गणपतीचे विसर्जन

गणेशोत्सव म्हटले की जलप्रदूषण आणि निर्माल्याच्या प्रश्नांबरोबरच पर्यावरण संवर्धनाची जबाबदारीही समोर येते. याच सामाजिक भानातून राजे मित्र मंडळ, एलआयजी, 1st J कंपाउंड, सेक्टर ३, कळंबोली यांनी यंदाही पर्यावरणपूरक गणेशोत्सवाची आपली १५ वर्षांची परंपरा कायम ठेवली. मंडळाच्या वतीने साजरा करण्यात आलेला एलआयजीचा ‘श्रीमंत’ गणपती उत्सव २०२६ भक्तिमय तसेच सामाजिक उपक्रमांनी उत्साहात पार पडला.

मंडळाने यंदा मातीच्या पर्यावरणपूरक गणेशमूर्तीची प्रतिष्ठापना केली होती. गणेशोत्सवाच्या काळात परिसरातील नागरिकांसाठी विविध सांस्कृतिक कार्यक्रमांचे आयोजन करण्यात आले. या कार्यक्रमांना लहानांपासून ज्येष्ठांपर्यंत नागरिकांनी मोठ्या संख्येने उपस्थित राहत उत्स्फूर्त प्रतिसाद दिला.

अनंत चतुर्दशीच्या दिवशी मंडळाने पर्यावरण संवर्धनाचा संदेश देत आगळावेगळा उपक्रम राबविला. कंपाउंडमधील मैदानावरच कृत्रिम हौदाची निर्मिती करून भावपूर्ण वातावरणात गणेशमूर्तीचे विसर्जन करण्यात आले. विशेष म्हणजे, विसर्जनानंतर गणेशमूर्तीची माती वाया न घालवता ती परिसरातील झाडांना देण्यात आली. ‘बाप्पाचे विसर्जन आणि निसर्गाचे संवर्धन’ असा संदेश या उपक्रमातून देण्यात आला.

रक्तदानातून सामाजिक बांधिलकी
गणेशोत्सवाचे औचित्य साधत मंडळाच्या वतीने रविवार २० सप्टेंबर रोजी MGM हॉस्पिटल, कामोठे यांच्या सहकार्याने रक्तदान शिबिराचे आयोजन करण्यात आले. या शिबिराला परिसरातील नागरिकांनी मोठ्या प्रमाणात प्रतिसाद देत रक्तदान केले. रक्तदान करणाऱ्या प्रत्येक नागरिकाला प्रमाणपत्र देऊन मंडळाच्या वतीने प्रोत्साहन देण्यात आले.

गेल्या १५ वर्षांपासून भक्तीबरोबरच सामाजिक आणि पर्यावरणपूरक उपक्रमांची सांगड घालणाऱ्या राजे मित्र मंडळाच्या या उपक्रमाचे परिसरातील नागरिकांकडून कौतुक करण्यात आले. उत्सवाच्या माध्यमातून पर्यावरण संवर्धन, सामाजिक बांधिलकी आणि नागरिकांचा सहभाग यांचा सुंदर मेळ घालण्याचा प्रयत्न मंडळाने यंदाही यशस्वी केला.
📲Get App