🔥 TRENDING Haryana HTET 2026 Exam Scheduled for D... Supreme Court Rules Non-Utilised 1894... Coal mine closures in Chhattisgarh lea... Delhi High Court Dismisses Plea Claimi... Dera Bhaiyas chief Baba Gurinder Singh... Advocate Harjinder Dhami Elected SGPC...
20 Nov 2026•
ગુજરાતી मराठी ਪੰਜਾਬੀ বাংলা
Jobs & Career

झेंझी फार्मास्युटिकलमधील कामगारांचे न्bयाय हक्कासाठी काम बंद आंदोलन; मनसेचा जाहीर पाठिंबा

✍️ Reporter: Kashinath Desale 🗓 13 Oct 2026, 02:49 PM 👁 102
Watch on: ▶️ YouTube
Share: 💬 WhatsApp 📘 Facebook 𝕏 Post
मुरबाड वार्तापत्र
दिनांक: १३ ऑक्टोबर २०२६
जिल्हा रिपोर्टर: काशिनाथ देसले (ठाणे) | तालुका रिपोर्टर: किशोर पवार (मुरबाड)

झेंझी फार्मास्युटिकलमधील कामगारांचे न्bयाय हक्कासाठी काम बंद आंदोलन; मनसेचा जाहीर पाठिंबा
मुरबाड:
कुडवली, मुरबाड येथील मे. झेंझी फार्मास्युटिकल इंडस्ट्रीज प्रा. लि. मधील कामगारांनी आपल्या विविध न्याय्य मागण्यांसाठी १२ ऑक्टोबरपासून तीव्र काम बंद आंदोलन सुरू केले आहे. गेल्या अनेक वर्षांपासून कामगारांच्या मागण्यांकडे व्यवस्थापनाकडून सातत्याने दुर्लक्ष होत असल्याने कामगारांमध्ये तीव्र असंतोष पसरला आहे. या आंदोलनाला महाराष्ट्र नवनिर्माण सेना (मनसे) आणि महाराष्ट्र नवनिर्माण कामगार सेना यांनी अधिकृत पाठिंबा दिला आहे.
१२ वर्षांपासून व्यवस्थापनाचे दुर्लक्ष; कामगार आक्रमक
कामगार संघटनेच्या वतीने सांगण्यात आले की, व्यवस्थापनाने गेल्या १० ते १२ वर्षांपासून कामगारांच्या मूलभूत मागण्यांकडे पूर्णपणे दुर्लक्ष केले आहे. वारंवार विनंती करूनही व्यवस्थापनाने कोणताही ठोस निर्णय घेतला नसल्याने अखेर कामगारांना आंदोलनाचे हत्यार उपसावे लागले आहे. व्यवस्थापनाने तात्काळ सकारात्मक चर्चा करून यावर सन्मानजनक तोडगा काढावा, अशी मागणी कामगारांनी केली आहे.
कामगारांच्या प्रमुख मागण्या:
• आर्थिक मागण्या: नियमानुसार योग्य वेतनवाढ, महागाई भत्ता आणि थकीत बोनस मिळणे.
• सुरक्षा व भविष्य: भविष्य निर्वाह निधी (PF), ग्रॅच्युइटी आणि सर्व कामगारांना वैद्यकीय सुविधा व विमा कवच मिळणे.
• कामाचे नियम: सुरक्षित कामाचे वातावरण, हक्काच्या रजा, साप्ताहिक सुट्ट्या आणि कॅन्टीनची योग्य सुविधा मिळणे.
आमदार किसन कथोरे यांच्या मध्यस्थीची अपेक्षा
या आंदोलनाचे नेतृत्व आणि नियोजन कामगार संघटनेचे परशुराम साळुंके, शहराध्यक्ष देवेंद्र जाधव, कल्पेश जाधव, भावेश पाटील आणि सागर रातांबे करत आहेत. व्यवस्थापनाने आडमुठी भूमिका कायम ठेवल्यास आंदोलन अधिक तीव्र करण्याचा इशारा देण्यात आला असून, या प्रकरणी स्थानिक आमदार किसन कथोरे यांच्याशी चर्चा करून त्यांचे सहकार्य मिळवण्यासाठी कामगार प्रतिनिधी प्रयत्नशील आहेत.
📲Get App