🔥 TRENDING Hisar-Jodhpur Express Resumes Operatio... Drone discovered in residential area n... କାମାକ୍ଷାନଗର ଚିକିତ୍ସାଳୟରେ ଡାକ୍ତରଙ୍କ ମଦ... Rajasthan Power Corp to Conduct JE Rec... How to Check Rajasthan 2026 Panchayat... ED Seizes Properties Worth Rs 16 Cr in...
19 Nov 2026•
ગુજરાતી मराठी ਪੰਜਾਬੀ বাংলা
હિંમતનગર: ધારાસભ્ય વી.ડી. ઝાલાએ હાંસલપુર ITI ખાતે વૃક્ષારોપણ કરી પ્રકૃતિ જતનના સંકલ્પ લીધો
Local

હિંમતનગર: ધારાસભ્ય વી.ડી. ઝાલાએ હાંસલપુર ITI ખાતે વૃક્ષારોપણ કરી પ્રકૃતિ જતનના સંકલ્પ લીધો

✍️ Reporter: Kalpeshkumar Narayanbhai Panchal 🗓 06 Aug 2026, 01:20 PM 👁 100
Share: 💬 WhatsApp 📘 Facebook 𝕏 Post

હિંમતનગર તાલુકાના હાંસલપુર ખાતે આવેલી ઔદ્યોગિક તાલીમ સંસ્થા (ITI) માં વન વિભાગના સહયોગથી વૃક્ષારોપણ કાર્યક્રમ યોજાયો હતો, જેમાં ધારાસભ્ય શ્રી વી.ડી. ઝાલા ઉપસ્થિત રહ્યા હતા.

આજે ઔદ્યોગિક તાલીમ સંસ્થા (ITI), હાંસલપુર (તા. હિંમતનગર) ખાતે વન વિભાગના સહયોગથી એક વૃક્ષારોપણ કાર્યક્રમનું આયોજન કરવામાં આવ્યું હતું. આ કાર્યક્રમમાં મુખ્ય અતિથિ તરીકે ધારાસભ્ય શ્રી વી.ડી. ઝાલા સાહેબે ઉપસ્થિત રહીને પ્રકૃતિના જતન માટે વૃક્ષારોપણ કર્યું હતું.

આ પ્રસંગે તાલુકા પંચાયત પ્રમુખશ્રી નરેશભાઈ પરમાર, સંગઠન પ્રમુખશ્રી હિતેન્દ્રભાઈ પટેલ, હાંસલપુરના સરપંચશ્રીમતી અનિતાબેન પ્રજાપતિ, વિવિધ આચાર્યશ્રીઓ, શિક્ષકમિત્રો અને મોટી સંખ્યામાં ઉત્સાહી તાલીમાર્થીઓએ ભાગ લીધો હતો. સૌએ સાથે મળીને વધુમાં વધુ વૃક્ષો વાવીને તેનું જતન કરવાનો સંકલ્પ લીધો હતો.

આ કાર્યક્રમનો મુખ્ય ઉદ્દેશ્ય પર્યાવરણ પ્રત્યે જાગૃતિ લાવવાનો અને હિંમતનગર તથા ગુજરાતને વધુ હરિયાળું બનાવવાનો હતો. ઉપસ્થિત સૌ મહાનુભાવોએ પ્રકૃતિના સંરક્ષણમાં સૌના સહિયારા પ્રયાસોના મહત્વ પર ભાર મૂક્યો હતો.
📲Get App