🔥 TRENDING 1,152 Gujarat Police Officers Set to P... Gujarat Inaugurates 3D Virtual Museum... Gujarat's new waste-to-energy policy o... Thieves steal Rs 1.25 crore of jewelle... Balaghat Air Hostess Murder Case: Vide... ଭୁବନେଶ୍ୱରରେ ଆଗାମୀ ୩ ଘଣ୍ଟାରେ ବର୍ଷା ଏବଂ...
20 Nov 2026•
ગુજરાતી मराठी ਪੰਜਾਬੀ বাংলা
Politics

ବାତ୍ୟା ମୁକାବିଲା ପାଇଁ ସରକାରଙ୍କ ମାଷ୍ଟରପ୍ଲାନ୍; ୪ ଜିଲ୍ଲାରେ ୪ IAS, ୫୪ ODRAF ଟିମ୍ ମୁତୟନ- ମନ୍ତ୍ରୀ ସୁରେଶ ପୂଜାରୀ

✍️ Reporter: Deepak Mahapatra 🗓 03 Nov 2026, 01:52 PM 👁 74
Share: 💬 WhatsApp 📘 Facebook 𝕏 Post
ଭୁବନେଶ୍ୱର: ବାତ୍ୟା ମୁକାବିଲା ଏବଂ ପୂର୍ବ ବାତ୍ୟାରେ କ୍ଷତିଗ୍ରସ୍ତ ଅଞ୍ଚଳରେ ରିଲିଫ୍ ଓ ପୁନରୁଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବାକୁ ଆକ୍ସନ୍ ମୋଡ୍‌କୁ ଆସିଛନ୍ତି ଓଡ଼ିଶା ସରକାର। ଏଥିପାଇଁ ୪ଟି ଜିଲ୍ଲାରେ ୪ ଜଣ IAS ଅଧିକାରୀଙ୍କୁ ନିୟୋଜିତ କରାଯାଇଛି। ଏହାସହ ବାତ୍ୟାର ମୁକାବିଲା ପାଇଁ ୫୪ଟି ODRAF ଟିମ୍, ୯ଟି NDRF ଟିମ୍ ଏବଂ ୧୦୦ରୁ ଅଧିକ ଅଗ୍ନିଶମ ବାହିନୀ ଟିମ୍‌କୁ ବିଭିନ୍ନ ସମ୍ବେଦନଶୀଳ ଅଞ୍ଚଳରେ ମୁତୟନ କରାଯାଇଛି। ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ମଙ୍ଗଳବାର ଏହି ସୂଚନା ଦେଇଛନ୍ତି।
୪ ଜିଲ୍ଲା ପାଇଁ ୪ IAS ଅଧିକାରୀ
ବାତ୍ୟା ପ୍ରଭାବିତ ଜିଲ୍ଲାଗୁଡ଼ିକରେ କ୍ଷୟକ୍ଷତି ଆକଳନ, ରିଲିଫ୍ ବଣ୍ଟନ ଏବଂ ଜରୁରୀ ଭିତ୍ତିଭୂମିର ମରାମତି କାର୍ଯ୍ୟ ତଦାରଖ କରିବେ ଏହି ଅଧିକାରୀମାନେ। ସେମାନଙ୍କୁ ଅତିରିକ୍ତ ସ୍ୱତନ୍ତ୍ର ରିଲିଫ୍ କମିଶନର (Additional SRC)ଙ୍କ କ୍ଷମତା ପ୍ରଦାନ କରାଯାଇଛି। ସମସ୍ତ ମରାମତି ଓ ପୁନରୁଦ୍ଧାର କାର୍ଯ୍ୟ ଶେଷ ହେବା ପର୍ଯ୍ୟନ୍ତ ସେମାନେ ନିଜ ନିଜ ଜିଲ୍ଲାରେ ରହିବେ।
ନିଯୁକ୍ତ ଅଧିକାରୀମାନେ ହେଲେ:
ଡକ୍ଟର ରୀନା ପ୍ରଧାନ: ଗଜପତି ଜିଲ୍ଲା। ବର୍ତ୍ତମାନ କେନ୍ଦୁଝର DMFର CEO ଭାବେ କାର୍ଯ୍ୟରତ
ଅଜିତ କୁମାର: ଗଞ୍ଜାମ ଜିଲ୍ଲା। ବର୍ତ୍ତମାନ ମୟୂରଭଞ୍ଜର ରାଇରଙ୍ଗପୁରର ADM
ତେଜସ୍ୱିନୀ ବେହେରା: ଗଞ୍ଜାମ ଜିଲ୍ଲା। ବର୍ତ୍ତମାନ ସୁନ୍ଦରଗଡ଼ର ସଦର ଉପଜିଲ୍ଲାପାଳ
ଶିବ ମାଲଭିୟା: କନ୍ଧମାଳ ଜିଲ୍ଲା। ବର୍ତ୍ତମାନ ବାଲେଶ୍ୱରର ଉପଜିଲ୍ଲାପାଳ ଓ SDM
୫୪ ODRAF, ୯ NDRF ଟିମ୍ ମୁତୟନ
ବାତ୍ୟା 'ମୁରାସୁ'ର ମୁକାବିଲା ପାଇଁ ରାଜ୍ୟ ସରକାର ବ୍ୟାପକ ପ୍ରସ୍ତୁତି କରିଛନ୍ତି। ମୋଟ ୫୪ଟି ODRAF ଟିମ୍‌କୁ ବିଭିନ୍ନ ଜିଲ୍ଲାରେ ନିୟୋଜିତ କରାଯାଇଛି।
କେଉଁ ଜିଲ୍ଲାକୁ କେତେ ODRAF ଟିମ୍ ମୁତୟନ:
ଗଞ୍ଜାମ – ୩୨ଟି ଟିମ୍
ଗଜପତି – ୯ଟି ଟିମ୍
କନ୍ଧମାଳ – ୪ଟି ଟିମ୍
ମାଲକାନଗିରି – ୩ଟି ଟିମ୍
କୋରାପୁଟ – ୩ଟି ଟିମ୍
ରାୟଗଡ଼ା – ୩ଟି ଟିମ୍
ଏହାବ୍ୟତୀତ ୯ଟି NDRF ଟିମ୍ ଓ ୧୦୦ରୁ ଅଧିକ ଅଗ୍ନିଶମ ବାହିନୀ ଟିମ୍‌କୁ ମଧ୍ୟ ବିପଦପ୍ରବଣ ଅଞ୍ଚଳରେ ମୁତୟନ କରାଯାଇଛି। ଯେଉଁଠି ଆବଶ୍ୟକ ପଡ଼ିବ, ସେଠାରେ ତୁରନ୍ତ ଉଦ୍ଧାର କାର୍ଯ୍ୟ କରାଯିବ।
ବାତ୍ୟା ଅର୍ଣ୍ଣବର କ୍ଷୟକ୍ଷତି ପରେ ମରାମତି କାର୍ଯ୍ୟ ଜାରି
ପୂର୍ବ ବାତ୍ୟା 'ଅର୍ଣ୍ଣବ' ଯୋଗୁଁ ଅନେକ ଘର ଓ ଚାଷଜମି କ୍ଷତିଗ୍ରସ୍ତ ହୋଇଥିଲା। ପ୍ରଭାବିତ ଲୋକଙ୍କ ପାଇଁ ସରକାର ରିଲିଫ୍ ପ୍ୟାକେଜ୍ ଘୋଷଣା କରିଛନ୍ତି। ଏବେ କ୍ଷତିଗ୍ରସ୍ତ ରାସ୍ତାର ମରାମତି ସହ ବିଦ୍ୟୁତ୍ ଓ ଜଳ ଯୋଗାଣ ସ୍ୱାଭାବିକ କରିବାକୁ କାମ ଚାଲିଛି।
📲Get App