🔥 TRENDING Unakoti District Launches JJM 2.0 Wate... Tripura CM attributes BJP's rising pop... India's First Organized Donkey Farm La... Himachal Pradesh Introduces Bill to Si... Himachal Pradesh to levy environmental... 12 killed in two separate road crashes...
20 Nov 2026•
ગુજરાતી मराठी ਪੰਜਾਬੀ বাংলা
સાવરકુંડલા: GUDCની ગટર યોજનામાં પીવાના પાણીની લાઈન દાટી દેવાતા લોકોમાં રોષ
Local

સાવરકુંડલા: GUDCની ગટર યોજનામાં પીવાના પાણીની લાઈન દાટી દેવાતા લોકોમાં રોષ

✍️ Reporter: Rangpara Shaileshbhai 🗓 30 Sep 2026, 09:58 AM 👁 93
Watch on: ▶️ YouTube
Share: 💬 WhatsApp 📘 Facebook 𝕏 Post

સાવરકુંડલામાં GUDC દ્વારા હાથ ધરાયેલી ગટર યોજનાની કામગીરીમાં પીવાના પાણીની મુખ્ય લાઈન ગટરની વચ્ચે દાટી દેવાતા લોકોના સ્વાસ્થ્ય સામે ગંભીર જોખમ ઉભું થયું છે. સ્થાનિક કોર્પોરેટર મેઘાબેન ગઢિયાએ આક્ષેપ કરી તાત્કાલિક પગલાં લેવાની ચીમકી ઉચ્ચારી છે.

સાવરકુંડલા શહેરમાં GUDC (Gujarat Urban Development Corporation) દ્વારા હાથ ધરવામાં આવેલી ગટર યોજનાની કામગીરીમાં ભારે બેદરકારી સામે આવી છે. વોર્ડ નં. 8ના નગરપાલિકા સભ્ય મેઘાબેન ગઢિયાએ આક્ષેપ કર્યો છે કે, પીવાના પાણી માટેની મુખ્ય DI (Ductile Iron) લાઈનને ગટરની લાઈનની વચ્ચે જ દાટી દેવામાં આવી છે. આ ગંભીર બેદરકારીને કારણે ગટર લીકેજ થવાની સ્થિતિમાં પીવાનું પાણી દૂષિત થવાની અને લોકોના સ્વાસ્થ્યને જોખમમાં મુકવાની ભીતિ સેવાઈ રહી છે.

મેઘાબેન ગઢિયાએ જણાવ્યું હતું કે, આ પ્રકારની બેદરકારી સહન નહીં થાય. તેમણે GUDC અને સંબંધિત અધિકારીઓને આદેશ આપ્યો છે કે આગામી સાત દિવસની અંદર પીવાના પાણીની લાઈનને ગટરની લાઈનથી અલગ કરવામાં આવે. આ ઉપરાંત, તેમણે કોન્ટ્રાક્ટરનું પેમેન્ટ તાત્કાલિક ધોરણે રોકવા અને આ બેદરકારી માટે જવાબદાર એન્જિનિયર સામે કડક પગલાં લેવાની પણ માંગ કરી છે. જો આ માંગણીઓ પૂર્ણ નહીં થાય તો ઉગ્ર આંદોલનની ચીમકી ઉચ્ચારી છે.

આ મામલે સ્થાનિક રહીશોમાં પણ GUDCની કામગીરી સામે ભારે રોષ જોવા મળી રહ્યો છે. લોકોનું કહેવું છે કે, વિકાસના નામે આવી બેદરકારી શહેરીજનોના આરોગ્ય સાથે ચેડાં કરી રહી છે. પાણી જેવી પ્રાથમિક સુવિધા સાથે આ પ્રકારનું જોખમ ઉભું કરવું યોગ્ય નથી અને તાત્કાલિક ધોરણે આ સમસ્યાનું નિરાકરણ લાવવું જોઈએ.
📲Get App