🔥 TRENDING एक सर्वेक्षण चल रहा है ग्रामीण की जमीन पर अवैध अतिक्रमण Haryana shifts 32 IFS officers, reshuf... North India Winter Air Pollution Tied... CGBSE Releases 2027 Exam Timetable for... Chhattisgarh to Launch Digital Librari...
20 Nov 2026•
ગુજરાતી मराठी ਪੰਜਾਬੀ বাংলা
અમદાવાદના GMDC ગ્રાઉન્ડ ખાતે 22 નવેમ્બરે લુહાર-પંચાલ સમાજનું પ્રથમ ઐતિહાસિક મહિલા અધિવેશન યોજાશે, 20 હજારથી વધુ બહેનો જોડાશે
Local

અમદાવાદના GMDC ગ્રાઉન્ડ ખાતે 22 નવેમ્બરે લુહાર-પંચાલ સમાજનું પ્રથમ ઐતિહાસિક મહિલા અધિવેશન યોજાશે, 20 હજારથી વધુ બહેનો જોડાશે

✍️ Reporter: Ranjanben Dharmendrbhai Panchal 🗓 07 Sep 2026, 12:47 PM 👁 118
Watch on: ▶️ YouTube
Share: 💬 WhatsApp 📘 Facebook 𝕏 Post

શ્રી વિશ્વકર્મા નિર્માણ ફાઉન્ડેશન દ્વારા આયોજિત આ અધિવેશનમાં ઘટતી જનસંખ્યા, મોડા લગ્ન, છૂટાછેડા અને યુવાનોના રોજગાર જેવા મહત્વના સામાજિક મુદ્દાઓ પર ચર્ચા અને ઠરાવ કરવામાં આવશે.

અમદાવાદના GMDC ગ્રાઉન્ડ ખાતે આગામી 22 નવેમ્બરના રોજ લુહાર-પંચાલ સમાજનું પ્રથમ ઐતિહાસિક મહિલા અધિવેશન યોજાવા જઈ રહ્યું છે. શ્રી વિશ્વકર્મા નિર્માણ ફાઉન્ડેશન દ્વારા આયોજિત આ અધિવેશનમાં સમગ્ર ગુજરાતમાંથી 20,000 થી વધુ મહિલાઓ ભાગ લેશે. આ કાર્યક્રમની પૂર્વ તૈયારીઓ અને આયોજનની સમીક્ષા માટે ગત 6 સપ્ટેમ્બરના રોજ સૌરાષ્ટ્ર, દક્ષિણ ગુજરાત, ઉત્તર ગુજરાત અને મધ્ય ગુજરાતની અગ્રણી મહિલાઓની એક મહત્વની બેઠક યોજાઈ હતી. આ અધિવેશનમાં વડાપ્રધાન નરેન્દ્ર મોદી, મુખ્યમંત્રી અને પ્રદેશ પ્રમુખ જગદીશ વિશ્વકર્માને આમંત્રિત કરવા અંગે વિચારણા કરવામાં આવી રહી છે.

સમાજના અગ્રણી સંજય પંચાલે જણાવ્યું હતું કે, આ અધિવેશનમાં સમાજની સાંપ્રત સમસ્યાઓ પર વિસ્તૃત ચર્ચા કરવામાં આવશે. જેમાં મુખ્યત્વે ઘટતી જતી જનસંખ્યા અને ઓછો જન્મદર (જે હાલ ગુજરાતમાં 1.4 થી 1.7 છે), દીકરા-દીકરીઓના મોડા થતા લગ્ન, છૂટાછેડાનું વધતું પ્રમાણ, અને દેખાદેખીમાં થતા બિનજરૂરી ખર્ચ જેવા ગંભીર મુદ્દાઓ સામેલ છે. આ ઉપરાંત, યુવાનોને શિક્ષણની સાથે વારસાગત વ્યવસાય અને સ્કિલ ડેવલપમેન્ટ શીખવીને વહેલી તકે પગભર કરવા અંગે પણ ચર્ચા થશે, જેથી તેઓ યોગ્ય ઉંમરે લગ્ન કરી સુખી સંસાર શરૂ કરી શકે.

આ ઐતિહાસિક મહિલા અધિવેશન દરમિયાન સમાજને શિક્ષિત, સંગઠિત અને સશક્ત બનાવવા માટે મહિલાઓની ભૂમિકા પર ભાર મૂકવામાં આવશે અને મહત્વના ઠરાવો પસાર કરવામાં આવશે. આ તમામ સામાજિક મુદ્દાઓ અને તેના ઉકેલોને આવરી લેતું ‘જીવન માર્ગદર્શિકા’ નામનું એક વિશેષ પુસ્તક વિશ્વકર્મા નિર્માણ ફાઉન્ડેશન દ્વારા તૈયાર કરવામાં આવી રહ્યું છે. આ પુસ્તકનું વિમોચન પણ આ મહિલા અધિવેશન દરમિયાન જ કરવામાં આવશે.
📲Get App