🔥 TRENDING J&K High Court Transfers 84 Judicial O... Six Nehru-era Decisions Identified as... International Film Festival of India i... CJP to Kick Off ‘Kya Bolti Public’ Cam... Four Beach Shacks Destroyed in Calangu... Admission, Transfer Certificate and Un...
19 Nov 2026•
ગુજરાતી मराठी ਪੰਜਾਬੀ বাংলা
Religion

गाणगापूरमध्ये दत्त महाराजांच्या दर्शनासाठी भाविकांची अलोट गर्दी

✍️ Reporter: रीपोर्टर दिलीप नगरे 🗓 12 Nov 2026, 05:50 PM 👁 70
Share: 💬 WhatsApp 📘 Facebook 𝕏 Post

गाणगापूर नगरी दत्तमय झाली, भाविकांनी 'दिगंबरा दिगंबरा श्रीपाद वल्लभ दिगंबरा'चा जयघोष केला.

📰 गाणगापूर | प्रतिनिधी

कर्नाटकातील प्रसिद्ध तीर्थक्षेत्र श्री क्षेत्र गाणगापूर येथे श्री दत्त महाराजांच्या दर्शनासाठी भाविकांची प्रचंड गर्दी उसळली आहे.

पहाटेपासूनच मंदिर परिसरात महाराष्ट्र, कर्नाटक, आंध्रप्रदेश, तेलंगणा यासह देशभरातून आलेल्या भाविकांच्या लांबच लांब रांगा लागल्या होत्या. मंदिराच्या उंच, रंगीबेरंगी आणि आकर्षक गोपुरासमोर हात जोडून, डोके टेकवून दर्शन घेताना भाविकांचे डोळे पाणावलेले दिसत होते.

मंदिराच्या आतील गाभाऱ्यासमोरही दर्शनासाठी भाविकांची मोठी रांग लागली होती. फुलांच्या माळा, झेंडूच्या तोरणांनी सजवलेल्या मंदिरात घंटानाद, भजन आणि दत्त नामाचा गजर सुरू होता. संपूर्ण गाणगापूर नगरी 'दिगंबरा दिगंबरा श्रीपाद वल्लभ दिगंबरा' या जयघोषाने दुमदुमून गेली आहे.

गुरुचरित्र पारायण, पादुका दर्शन, भिक्षा, संगम स्नान आणि माधुकरीसाठी आलेल्या भाविकांमुळे गावात चैतन्याचे वातावरण निर्माण झाले आहे. अनेक भाविकांनी नवस फेडण्यासाठी, कुटुंबासह दर्शन घेण्यासाठी गाणगापूरला हजेरी लावली.
"इथे आलं की मनाला वेगळीच शांती मिळते. दत्त महाराजांच्या पादुकांचं दर्शन झालं की सगळा थकवा निघून जातो," अशी भावना एका भाविकाने व्यक्त केली.
दर्शनासाठी आलेल्या भाविकांची गैरसोय होऊ नये म्हणून मंदिर प्रशासनाकडून योग्य नियोजन करण्यात आले आहे.

-
📲Get App