🔥 TRENDING Swami Aseemanand’s radical service to... ଢେଙ୍କାନାଳ ଜିଲ୍ଲାରେ ବାତ୍ୟା 'ଆକଭାନ' ନିମି... ସାଇକ୍ଲୋନ୍ ଆକ୍ବାନ୍: ଢେଙ୍କାନାଳ ପୌରପାଳିକା... US Companies Ramp Up Design and Resear... Ahmedabad Hosts Third All India Police... Karnataka vs Jharkhand: Match Preview...
20 Nov 2026•
ગુજરાતી मराठी ਪੰਜਾਬੀ বাংলা
કર્મચારી ભવિષ્ય નિધિ સંગઠન (EPFO) ની વેતન મર્યાદા રૂ.૧૫,૦૦૦ થી વધારી રૂ. ૨૫,૦૦૦ કરવામાં આવી: કામદારોની સામાજિક સુરક્ષાને મજબૂત બનાવવાની દિશામાં મહત્વપૂર્ણ પગલું

કર્મચારી ભવિષ્ય નિધિ સંગઠન (EPFO) ની વેતન મર્યાદા રૂ.૧૫,૦૦૦ થી વધારી રૂ. ૨૫,૦૦૦ કરવામાં આવી: કામદારોની સામાજિક સુરક્ષાને મજબૂત બનાવવાની દિશામાં મહત્વપૂર્ણ પગલું

✍️ Reporter: Sodha Gourangbhai 🗓 06 Oct 2026, 08:50 AM 👁 141
Share: 💬 WhatsApp 📘 Facebook 𝕏 Post
કર્મચારી ભવિષ્ય નિધિ સંગઠન (EPFO) ની વેતન મર્યાદા રૂ.૧૫,૦૦૦ થી વધારી રૂ. ૨૫,૦૦૦ કરવામાં આવી: કામદારોની સામાજિક સુરક્ષાને મજબૂત બનાવવાની દિશામાં મહત્વપૂર્ણ પગલું

અમરેલી તા. ૦૫ ઓક્ટોબર,૨૦૨૬
કર્મચારી ભવિષ્ય નિધિ સંગઠન (EPFO) હેઠળ યોગદાન માટેની વેતન મર્યાદા રૂ.૧૫,૦૦૦ થી વધારીને રૂ.૨૫,૦૦૦ પ્રતિ માસ કરવામાં આવી એ કામદારો માટે સામાજિક સુરક્ષાના વ્યાપને વધુ મજબૂત બનાવવા અને તેમના લાંબા ગાળાના નાણાકીય ભવિષ્યને સુરક્ષિત કરવાની દિશામાં એક મહત્વપૂર્ણ પગલું છે.

આ મહત્વપૂર્ણ નિર્ણયને આવકારતાં, શ્રી યોગેન્દ્ર સિંહ શેખાવત, પ્રાદેશિક ભવિષ્ય નિધિ કમિશનર-I, કર્મચારી ભવિષ્ય નિધિ સંગઠન (EPFO), પ્રાદેશિક કચેરી, વટવા દ્વારા જણાવવામાં આવ્યું કે, રૂ.૧૫,૦૦૦ થી રૂ. ૨૫,૦૦૦ સુધીની વેતન મર્યાદામાં કરવામાં આવેલો વધારો કામદારોની સામાજિક સુરક્ષા વ્યવસ્થાને વધુ મજબૂત બનાવવાની દિશામાં એક મહત્વપૂર્ણ પગલું છે. તે કર્મચારીઓને તેમની નિવૃત્તિ માટેની બચત વધારવા અને તેમના નાણાકીય ભવિષ્યને વધુ સુરક્ષિત બનાવવાની વધુ તક પ્રદાન કરશે. કર્મચારી ભવિષ્ય નિધિ સંગઠન (EPFO) કામદારોને સામાજિક સુરક્ષાના લાભો પારદર્શક, સરળતાથી ઉપલબ્ધ અને કાર્યક્ષમ રીતે પ્રાપ્ત થાય તે સુનિશ્ચિત કરવા માટે પ્રતિબદ્ધ છે.

રૂ.૧૫,૦૦૦ની અગાઉની વેતન મર્યાદા સપ્ટેમ્બર ૨૦૧૪થી અમલમાં હતી. હવે તેને વધારીને રૂ.૨૫,૦૦૦ કરવામાં આવતાં વર્તમાન વેતન માળખા તથા કર્મચારીઓની બદલાતી નાણાકીય જરૂરિયાતોને ધ્યાનમાં લેવામાં આવી છે.
આ નિર્ણયથી કર્મચારીઓ માટે પ્રોવિડન્ટ ફંડમાં વધુ સંચયની શક્યતા ઊભી થશે, જેનાથી નિવૃત્તિ માટેની તેમની લાંબા ગાળાની નાણાકીય તૈયારી વધુ મજબૂત બનવામાં યોગદાન મળી શકે છે. આ ઉપરાંત, તે કામદારો માટે ઔપચારિક સામાજિક સુરક્ષાના વ્યાપને વિસ્તૃત કરવાના વ્યાપક ઉદ્દેશને પણ સમર્થન આપે છે.

શ્રી યોગેન્દ્ર સિંહ શેખાવતે કર્મચારીઓ અને નોકરીદાતાઓને અપીલ કરી હતી કે તેઓ કર્મચારી ભવિષ્ય નિધિ સંગઠન (EPFO) તથા પ્રાદેશિક કચેરી વટવાના અધિકૃત માધ્યમો દ્વારા લાગુ પડતી જોગવાઈઓ અંગે માહિતગાર રહે અને સમયસર અનુપાલન સુનિશ્ચિત કરે, જેથી કામદારોને સામાજિક સુરક્ષા વ્યવસ્થા હેઠળ ઉપલબ્ધ લાભો પ્રાપ્ત થઈ શકે.

કર્મચારી ભવિષ્ય નિધિ સંગઠન (EPFO), પ્રાદેશિક કચેરી વટવા, કામદારોના કલ્યાણ તથા વ્યાપક સામાજિક સુરક્ષા વ્યવસ્થાને વધુ મજબૂત બનાવવા માટે સતત પ્રતિબદ્ધ છે. આ માટે સામાજિક સુરક્ષાના વ્યાપમાં વધારો, સેવાઓમાં સુધારો તથા ટેકનોલોજી આધારિત સેવા પ્રદાન પર સતત ભાર મૂકવામાં આવી રહ્યો છે તેમ પ્રાદેશિક જનસંપર્ક અધિકારી, કર્મચારી ભવિષ્ય નિધિ સંગઠન, પ્રાદેશિક કચેરી, વટવા, અમદાવાદની યાદીમાં જણાવવામાં આવ્યુ છે.
📲Get App