🔥 ट्रेंडिंग झारखंड सरकार ने 44 भर्ती परीक्षाओं को... झारखंड में वेतन न मिलने के कारण एम्बुल... विरेंद्र सहवाग ने एमएस धोनी के रिटायरम... पाकिस्तानी आदमी ने ऑटो‑रिक्शा में महिल... मनोरमा न्यूज़ ने 19 नवंबर 2026 को 9:30... चंद्रपुर पुलिस ने 54 संगठित अपराधियों...
20 नव. 2026•
ગુજરાતી मराठी ਪੰਜਾਬੀ বাংলা
देश

ਝੂਠੇ ਕੇਸ ''ਚ ਗਿਆ ਜੇਲ੍ਹ ! ਮੁੰਡੇ ਨੇ ਹੱਥਕੜੀਆਂ ਲਾ ਕੇ ਦਿੱਤਾ ਪੇਪਰ, ਹੁਣ ਬਣ ਗਿਆ DSP

✍️ रिपोर्टर: Shamsher Singh 🗓 22 अक्टू. 2026, 02:42 PM 👁 79
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

ਝੂਠੇ ਕੇਸ ''ਚ ਗਿਆ ਜੇਲ੍ਹ ! ਮੁੰਡੇ ਨੇ ਹੱਥਕੜੀਆਂ ਲਾ ਕੇ ਦਿੱਤਾ ਪੇਪਰ, ਹੁਣ ਬਣ ਗਿਆ DSP

ਝੂਠੇ ਕੇਸ ''ਚ ਗਿਆ ਜੇਲ੍ਹ ! ਮੁੰਡੇ ਨੇ ਹੱਥਕੜੀਆਂ ਲਾ ਕੇ ਦਿੱਤਾ ਪੇਪਰ, ਹੁਣ ਬਣ ਗਿਆ DSP
‎Thursday, Oct 22, 2026 ।
‎ਮੱਧ ਪ੍ਰਦੇਸ਼- ਡਿਪਟੀ ਸੁਪਰਡੈਂਟ ਆਫ਼ ਪੁਲਸ (ਡੀਐੱਸਪੀ) ਜੈਨੇਂਦਰ ਕੁਮਾਰ ਨਿਗਮ ਦੀ ਸਫਲਤਾ ਦੀ ਕਹਾਣੀ ਕਿਸੇ ਫਿਲਮੀ ਕਹਾਣੀ ਤੋਂ ਘੱਟ ਨਹੀਂ ਹੈ। ਜੈਨੇਂਦਰ ਕੁਮਾਰ ਨਿਗਮ, ਮੱਧ ਪ੍ਰਦੇਸ਼ ਦੇ ਭਿੰਡ ਜ਼ਿਲ੍ਹੇ ਦੇ ਇਕ ਛੋਟੇ ਜਿਹੇ ਪਿੰਡ 'ਚ ਇਕ ਸਧਾਰਨ ਕਿਸਾਨ ਪਰਿਵਾਰ ਤੋਂ ਆਉਂਦਾ ਹੈ। ਉਸ ਦੇ ਪਿਤਾ ਕੇਸ਼ਵ ਕੁਮਾਰ ਨਿਗਮ, ਇਕ ਕਿਸਾਨ ਹਨ ਅਤੇ ਮਾਂ ਕੁਸੁਮ ਦੇਵੀ ਇੱਕ ਘਰੇਲੂ ਔਰਤ ਹੈ। ਜੈਨੇਂਦਰ ਦੇ ਪਿਤਾ ਕੇਸ਼ਵ ਖੁਦ ਰਾਜ ਸਿਵਲ ਸੇਵਾਵਾਂ ਦੀ ਪ੍ਰੀਖਿਆ ਪਾਸ ਕਰਨਾ ਚਾਹੁੰਦੇ ਸਨ। ਉਸ ਨੇ ਤਿਆਰੀ ਵੀ ਕੀਤੀ, ਪਰ ਪਰਿਵਾਰਕ ਜ਼ਿੰਮੇਵਾਰੀਆਂ ਅਤੇ ਵਿੱਤੀ ਰੁਕਾਵਟਾਂ ਨੇ ਉਸ ਦਾ ਉਹ ਸੁਪਨਾ ਖੋਹ ਲਿਆ। ਉਸ ਨੇ ਆਪਣੇ ਪੁੱਤਰ ਰਾਹੀਂ ਆਪਣੇ ਅਧੂਰੇ ਸੁਪਨੇ ਨੂੰ ਪੂਰਾ ਕਰਨ ਦਾ ਸੰਕਲਪ ਲਿਆ, ਜਿਸ ਨੂੰ ਜੈਨੇਂਦਰ ਨੇ ਆਪਣਾ ਜਨੂੰਨ ਬਣਾ ਲਿਆ।
‎ਜੈਨੇਂਦਰ ਅਤੇ ਉਸ ਦੇ ਪਰਿਵਾਰ ਨੇ ਬਹੁਤ ਕੁਝ ਸਹਿਣ ਕੀਤਾ ਹੈ। ਜੈਨੇਂਦਰ ਨੇ ਇਕ ਇੰਟਰਵਿਊ 'ਚ ਇਸ ਬਾਰੇ ਵਿਸਥਾਰ ਨਾਲ ਦੱਸਿਆ। ਉਸ ਨੂੰ ਅਤੇ ਉਸ ਦੇ ਪਰਿਵਾਰ ਨੂੰ ਕਈ ਵਾਰ ਝੂਠੇ ਮਾਮਲਿਆਂ 'ਚ ਫਸਾ ਕੇ ਜੇਲ੍ਹ ਭੇਜਿਆ ਗਿਆ। ਉਹ ਦੱਸਦਾ ਹੈ ਕਿ ਕਿਵੇਂ ਹੱਥਕੜੀਆਂ ਪਾ ਕੇ ਅਦਾਲਤ ਜਾਣਾ ਉਸ ਦੀ ਕਿਸਮਤ ਬਣ ਗਿਆ। ਜ਼ਮੀਨ ਹਥਿਆਉਣ ਦੇ ਇਰਾਦੇ ਨਾਲ, ਕੁਝ ਬਾਹੁਬਲੀ ਲੋਕਾਂ ਨੇ ਉਸ ਦੇ ਪਿਤਾ 'ਤੇ NSA ਤੱਕ ਲਗਵਾ ਦਿੱਤਾ। ਫਿਰ ਵੀ ਉਸ ਨੇ ਹਾਰ ਮੰਨ ਲਈ।
‎ਜੈਨੇਂਦਰ ਦੱਸਦਾ ਹੈ ਕਿ ਜਦੋਂ ਉਹ ਸਰਕਾਰੀ ਨੌਕਰੀ ਦੀ ਤਿਆਰੀ ਲਈ ਆਪਣੇ ਪਿੰਡ ਤੋਂ ਇੰਦੌਰ ਗਿਆ, ਤਾਂ ਉਸ ਦਾ ਘਰ ਸਾੜ ਦਿੱਤਾ ਗਿਆ। ਉਸ ਦਾ ਪਰਿਵਾਰ ਇਕ ਜਾਨਲੇਵਾ ਹਾਦਸੇ ਦਾ ਵੀ ਸ਼ਿਕਾਰ ਹੋਇਆ ਸੀ। ਹਾਦਸੇ ਤੋਂ ਬਾਅਦ, ਜਦੋਂ ਸਥਿਤੀ ਕਾਬੂ ਤੋਂ ਬਾਹਰ ਹੋ ਗਈ, ਤਾਂ ਜੈਨੇਂਦਰ ਪੂਰੀ ਤਰ੍ਹਾਂ ਟੁੱਟ ਗਿਆ ਸੀ। ਦਿੱਲੀ 'ਚ ਉਸ ਨੇ ਆਪਣੀ ਮਾਂ ਦਾ ਹੱਥ ਫੜਿਆ ਅਤੇ ਸਹੁੰ ਖਾਧੀ ਕਿ ਕੁਝ ਵੀ ਹੋਵੇ, ਉਹ DSP ਬਣ ਕੇ ਵਾਪਸ ਆਵੇਗਾ। ਇਹ ਪਲ ਉਸ ਦੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਮੋੜ ਸਾਬਤ ਹੋਇਆ।
‎2024 'ਚ ਉਸ ਨੂੰ ਸਾਰੇ ਦੋਸ਼ਾਂ ਤੋਂ ਬਰੀ ਕਰ ਦਿੱਤਾ ਗਿਆ ਸੀ। ਉਦੋਂ ਤੱਕ, MPSC ਪ੍ਰੀਲਿਮ, ਮੇਨਜ਼ ਅਤੇ ਇੰਟਰਵਿਊ ਤੋਂ ਬਾਅਦ ਅੰਤਿਮ ਨਤੀਜਾ ਜਾਰੀ ਹੋ ਚੁੱਕਾ ਸੀ। ਇਹ ਉਹ ਪਲ ਸੀ ਜਦੋਂ ਜੈਨੇਂਦਰ ਅਤੇ ਉਸ ਦਾ ਪਰਿਵਾਰ ਸਾਲਾਂ ਤੋਂ ਉਡੀਕ ਕਰ ਰਹੇ ਸਨ। ਜੈਨੇਂਦਰ ਨੇ MPPSC ਪ੍ਰੀਖਿਆ 'ਚ 12ਵਾਂ ਰੈਂਕ ਪ੍ਰਾਪਤ ਕੀਤਾ ਅਤੇ ਡਿਪਟੀ ਸੁਪਰਡੈਂਟ ਆਫ਼ ਪੁਲਸ (DSP) ਬਣ ਗਿਆ।
📲Get App