🔥 TRENDING তৃণমূল পন্থী মনোভাব বিজেপি কর্মীরা ২০০... UP Congress In‑Charge Says SP Alliance... Taj Mahal Urs Committee Demands Action... Woman and Two Daughters Perish in Hous... Sikkim to Host 3rd All‑India Judges Ba... जैसलमेर में विधायक महंत प्रतापपुरी महा...
19 Nov 2026•
ગુજરાતી मराठी ਪੰਜਾਬੀ বাংলা

CEIR પોર્ટલની મદદથી રાજુલા પોલીસે ગુમ થયેલા રૂપિયા 50 હજારના બે મોબાઇલ શોધી મૂળ માલિકોને પરત કર્યા

✍️ Reporter: Anil Vaghela 🗓 09 Oct 2026, 10:22 PM 👁 101
Share: 💬 WhatsApp 📘 Facebook 𝕏 Post
📱 CEIR પોર્ટલની મદદથી રાજુલા પોલીસે ગુમ થયેલા રૂપિયા 50 હજારના બે મોબાઇલ શોધી મૂળ માલિકોને પરત કર્યા

રાજુલા: “તેરા તુજકો અર્પણ” કાર્યક્રમ અંતર્ગત ગુમ થયેલી મિલકત મૂળ માલિકોને પરત કરવાની કામગીરીના ભાગરૂપે રાજુલા પોલીસ સ્ટેશન ટીમે CEIR પોર્ટલની મદદથી ગુમ થયેલા બે મોબાઇલ ફોન શોધી કાઢી બંને મોબાઇલ તેમના મૂળ માલિકોને પરત કર્યા છે. બંને મોબાઇલની કુલ કિંમત રૂપિયા 50,000 જેટલી થાય છે.

ભાવનગર રેન્જ આઈ.જી. શ્રી આઈ.વી. અસારી સાહેબની સૂચના અને માર્ગદર્શન હેઠળ મિલકત ગુમ થવાના બનાવોમાં સત્વરે મિલકત શોધી મૂળ માલિકોને પરત કરવા તેમજ “તેરા તુજકો અર્પણ” કાર્યક્રમને સફળ બનાવવા કાર્યવાહી કરવામાં આવી રહી છે.

અમરેલી જિલ્લા પોલીસ અધિક્ષક શ્રી સંજય ખરાત સાહેબ દ્વારા અમરેલી જિલ્લામાં CEIR પોર્ટલનો મહત્તમ ઉપયોગ કરી ખોવાયેલા તથા ચોરી થયેલા મોબાઇલ ફોન શોધી કાઢવા તારીખ 5/10/2026થી તારીખ 11/10/2026 દરમિયાન વિશેષ ડ્રાઇવનું આયોજન કરવામાં આવ્યું છે.

આ અનુસંધાને રાજુલા ડિવિઝનના નાયબ પોલીસ અધિક્ષક શ્રી નયના ગોરડિયા સાહેબના માર્ગદર્શન હેઠળ રાજુલા પોલીસ સ્ટેશનના પોલીસ ઈન્સ્પેક્ટર શ્રી વી.એમ. કોલાદરાની રાહબરીમાં ટીમ દ્વારા કાર્યવાહી હાથ ધરવામાં આવી હતી.

જેમાં રાજુલા ખાતે રહેતા મૌલિકભાઈ કિશોરભાઈ રીબડિયાનો રૂપિયા 29,000ની કિંમતનો વીવો કંપનીનો મોબાઇલ રાજુલા ટાઉન વિસ્તારમાં ગુમ થયો હતો. જ્યારે દુષ્યંતભાઈ ભાસ્કરભાઈ ભટ્ટ, રહે. રાજુલાનો રૂપિયા 21,000ની કિંમતનો વીવો કંપનીનો મોબાઇલ વાવેરા ગામે માતાજીના દર્શન કરવા જતા ગુમ થયો હતો.

બંને અરજદારોએ મોબાઇલ ગુમ થયાની અરજી રાજુલા પોલીસ સ્ટેશનમાં આપ્યા બાદ પોલીસે CEIR પોર્ટલની મદદથી ટેકનિકલ તપાસ હાથ ધરી બંને મોબાઇલ ફોન શોધી કાઢ્યા હતા. ત્યારબાદ કુલ રૂપિયા 50,000ની કિંમતના બંને મોબાઇલ ફોન મૂળ માલિકોને પરત સોંપવામાં આવ્યા હતા.

આ કામગીરીથી રાજુલા પોલીસ ટીમે “તેરા તુજકો અર્પણ” કાર્યક્રમને વધુ એક વખત સાર્થક કર્યો છે.

કામગીરી કરનાર રાજુલા પોલીસ સ્ટેશનના પોલીસ ઈન્સ્પેક્ટર શ્રી વી.એમ. કોલાદરા તથા રાજુલા પોલીસ સ્ટેશનની ટીમ.
📲Get App