🔥 TRENDING ଭୁବନେଶ୍ୱରରେ ଆଗାମୀ ୩ ଘଣ୍ଟାରେ ବର୍ଷା ଏବଂ... West Bengal Board Announces HS 3rd Sem... পিয়ালি রাশ ও গ্রামীন মেলা প্রশাসনিক স... Severe Cyclonic Storm Akvan Nears Indi... Tejashwi Yadav Slams Bihar Government... Bihar Law Department Opens 2026 Recrui...
20 Nov 2026•
ગુજરાતી मराठी ਪੰਜਾਬੀ বাংলা
અમદાવાદ: ગાડી ટકરાવવાની બાબતમાં સગીર પર દુકાનમાં ઘૂસી હુમલો, CCTVમાં કેદ
Crime

અમદાવાદ: ગાડી ટકરાવવાની બાબતમાં સગીર પર દુકાનમાં ઘૂસી હુમલો, CCTVમાં કેદ

✍️ Reporter: Kalpeshkumar Narayanbhai Panchal 🗓 25 Sep 2026, 01:14 PM 👁 86
Watch on: ▶️ YouTube
Share: 💬 WhatsApp 📘 Facebook 𝕏 Post

અમદાવાદના ઢાલગરવાડ વિસ્તારમાં ગાડી ટકરાવવાની સામાન્ય બાબતે એક 17 વર્ષીય સગીર અને તેના કાકા પર સાતથી આઠ લોકોના ટોળાએ દુકાનમાં ઘૂસી હુમલો કર્યો હતો. આ ઘટનાના સીસીટીવી ફૂટેજ સામે આવ્યા છે.

અમદાવાદના ઢાલગરવાડ વિસ્તારમાં રસ્તા પર ગાડી ટકરાવવાની સામાન્ય બાબતમાં એક 17 વર્ષીય સગીર પર હુમલો થયો હતો. પ્રાથમિક માહિતી અનુસાર, રસ્તા પર થયેલી મારામારી બાદ સાંજના સમયે સાતથી આઠ જેટલા લોકોનું ટોળું દુકાનમાં ઘૂસી આવ્યું હતું.

આ ટોળાએ દુકાનમાં હાજર સગીર અમાન અને તેના કાકા પર ગાળો બોલી માર માર્યો હતો. સમગ્ર ઘટના દુકાનમાં લાગેલા સીસીટીવી કેમેરામાં કેદ થઈ ગઈ હતી. સીસીટીવી ફૂટેજમાં ટોળા પૈકી એક વ્યક્તિના હાથમાં હથિયાર જેવી વસ્તુ પણ દેખાતી હોવાનો દાવો કરવામાં આવ્યો છે.

હુમલામાં અમાન અને તેના કાકાને ઈજાઓ પહોંચતા તેમને તાત્કાલિક સારવાર માટે હોસ્પિટલમાં ખસેડવામાં આવ્યા હતા. આ ઘટના બાદ સમગ્ર મામલો કારંજ પોલીસ સ્ટેશન સુધી પહોંચ્યો છે.

પોલીસે આ મામલે ફરિયાદ નોંધીને કાયદેસરની કાર્યવાહી હાથ ધરી છે અને સીસીટીવી ફૂટેજના આધારે આરોપીઓને ઝડપી પાડવાના પ્રયાસો શરૂ કર્યા છે.
📲Get App