🔥 TRENDING Canadian PM Mark Carney says India is... Bangladesh PM Accuses Sheikh Hasina of... Modi Taps GTA 6 Hype to Promote ‘New I... Deccan Herald editorial says political... Tamil Thriller ‘Drones’ to Premiere on... ‘Mr Bhaarath’ to Release on 11 Dec 202...
20 Nov 2026•
ગુજરાતી मराठी ਪੰਜਾਬੀ বাংলা
Crime

સુરતમાં CAનો અભ્યાસ કરતા ૧૭ વર્ષીય યુવકે કર્યો આપઘાત

✍️ Reporter: Maheta Dhavalkumar Jitendrabhai 🗓 10 Oct 2026, 11:41 AM 👁 85
Watch on: ▶️ YouTube
Share: 💬 WhatsApp 📘 Facebook 𝕏 Post

સુરતના ગોડાદરા વિસ્તારમાં ડિપ્રેશન અને અગમ્ય કારણોસર યુવાનોના જીવન ટૂંકાવવાના કિસ્સાઓ વધી રહ્યા છે. આવી જ એક ઘટનામાં, CAનો અભ્યાસ કરતા ૧૭ વર્ષીય યુવકે ગળેફાંસો ખાઈને આપઘાત કર્યો.

સુરત શહેરમાં યુવાનોમાં ડિપ્રેશન અને અગમ્ય કારણોસર આત્મહત્યાના બનાવો ચિંતાજનક રીતે વધી રહ્યા છે. આવી જ એક દુઃખદ ઘટના ગોડાદરા વિસ્તારમાંથી સામે આવી છે, જ્યાં ૧૭ વર્ષીય યુવકે પોતાના ઘરે ગળેફાંસો ખાઈને જીવન ટૂંકાવી લીધું.

મળતી માહિતી મુજબ, મહાદેવનગર, પાવર હાઉસની બાજુમાં રહેતો અક્ષય વિક્રમ મોરે નામનો ૧૭ વર્ષીય યુવક CAનો અભ્યાસ કરતો હતો. ઘટના સમયે તે પોતાના ઘરમાં એકલો હતો. તેણે રૂમમાં પંખા સાથે દુપટ્ટો બાંધી ગળેફાંસો ખાઈ લીધો હતો. જ્યારે તેની માતા બહારથી ઘરે પરત ફર્યા ત્યારે તેમણે અક્ષયને લટકતી હાલતમાં જોયો અને તેઓ ચીસ પાડી ઉઠ્યા.

પરિવારજનો દ્વારા તાત્કાલિક અક્ષયને બેભાન અવસ્થામાં સારવાર માટે સ્મિમેર હોસ્પિટલ ખસેડવામાં આવ્યો હતો. જોકે, હોસ્પિટલના તબીબો દ્વારા તપાસ કરતાં તેને મૃત જાહેર કરવામાં આવ્યો હતો. પોલીસે આ મામલે વધુ તપાસ હાથ ધરી છે અને આત્મહત્યાના કારણો જાણવાનો પ્રયાસ કરી રહી છે.
📲Get App