🔥 TRENDING कमलपुर के प्राथमिक स्कूल में बच्चों की... કાલોલ તાલુકાના ડેરોલ સ્ટેશન ગામમાં નવી... पाकुड़ में नीड 24 न्यूज़ के नए कार्याल... ਹੁਸ਼ਿਆਰਪੁਰ ਦੇ ਦਸਹਿਰਾ ਗਰਾਉਂਡ ਨੇੜੇ ਗੋਲੀਬ... कालपी में विधानसभा स्तरीय रोजगार मेला–... ધોળકા તાલુકાના વૌઠા લોકમેળાનો શુભારંભ...
20 Nov 2026•
ગુજરાતી मराठी ਪੰਜਾਬੀ বাংলা
Local

भोर तालुक्यात दुष्काळाचे सावट कायम असून, पाणीटंचाईच्या झळा गडद होत चालल्या आहेत.. तालुक्यातील नदी, ओढे,  नाले, विहिरी कोरड्या पडू लागल्या आहेत..पाण्याने तळ गाठला

✍️ Reporter: किरण सदाशिव आंबिके 🗓 28 Oct 2026, 02:24 PM 👁 119
Share: 💬 WhatsApp 📘 Facebook 𝕏 Post
भोर, पुणे

भोर तालुक्यात दुष्काळाचे सावट कायम असून, पाणीटंचाईच्या झळा गडद होत चालल्या आहेत..

तालुक्यातील नदी, ओढे,  नाले, विहिरी कोरड्या पडू लागल्या आहेत..पाण्याने तळ गाठला आहे.

नीरा खोऱ्यातील धरणे शंभर टक्के भरले आहेत..

खरिपातील महत्त्वाची बहुतांशी हेक्टरवरील पिके पाण्यावाचून जळून गेली असल्याने शेतकऱ्यांचे मोठे नुकसान झाले आहे. मात्र, काहीशा प्रमाणात राहिलेले उभे भात पीक वाचवण्यासाठी शेतकऱ्यांची धडपड सुरू असून, त्यासाठी पाण्याची आवश्यकता असल्याने शेतकरी धोम-बलकवडी, नीरा-देवघरच्या कालव्यांच्या पाण्याची प्रतीक्षा करू लागला असून, शेतकरी कालव्याला पाणी सोडण्याची मागणी करू लागले आहेत.

काही गावांमध्ये विहिरींनी तळ घाटल्याने पाण्याची टंचाई जाणवू लागली असून, ग्रामीण भागातील परिस्थिती चिंताजनक बनत चालली आहे.. तर काही शेतकऱ्यांची उभे भात पीक जोमात असल्याने त्याला पाण्याची गरज आहे.. नीरा देवघर धरणांच्या कालव्यांना जलसंपदा विभागाकडून आवर्तन सोडले, तर उर्वरित भात शेतीला पाण्याचा उपयोग होऊन शेतकऱ्यांना कसेबसे तुटपुंजे उत्पन्न मिळणार असल्याचे चित्र आहे. मात्र, कालव्यांना पाणी सोडले गेले नाही.तर काहीशा प्रमाणात बचावलेली भात पिके वाया जाणार आहेत.


सद्यःस्थितीला ओढे, नाले, कालवे कोरडेठाक पडले असून, विहिरींच्या पाण्याने तळ गाठला आहे. जलसंपदा विभागाने दोन्ही धरणांच्या कालव्यांना लवकरात लवकर आवर्तन सोडावे.

कालव्याच्या पाण्याचा उपयोग शेती पिकांना होईल तर जनावरांच्या पिण्याच्या पाण्याची सोय होणार असल्याने प्रशासनाने लवकरात लवकर निर्णय घेऊन एक आवर्तन सोडावे, अशी मागणी नागरिकांकडून होतं आहे..
📲Get App