🔥 TRENDING Leadership Drives Stronger Fire Safety... Fire Breaks Out at Warehouse on Kolkat... CBI Reports Fugitive Wanted in Murder... Bihar Woman Abducted and Murdered Over... Pune Man Fatally Shot in Old Dispute,... Shashi Tharoor to Debut as Host of Doc...
20 Nov 2026•
ગુજરાતી मराठी ਪੰਜਾਬੀ বাংলা
સુરતમાં ATM કાર્ડ બદલી છેતરપિંડી કરતી ટોળકીના બે સભ્યો ઝડપાયા, ૧૦૦થી વધુ CCTV ફૂટેજ તપાસ્યા
Crime

સુરતમાં ATM કાર્ડ બદલી છેતરપિંડી કરતી ટોળકીના બે સભ્યો ઝડપાયા, ૧૦૦થી વધુ CCTV ફૂટેજ તપાસ્યા

✍️ Reporter: Maheta Dhavalkumar Jitendrabhai 🗓 01 Oct 2026, 03:06 PM 👁 82
Watch on: ▶️ YouTube
Share: 💬 WhatsApp 📘 Facebook 𝕏 Post

સુરત શહેરમાં ATM સેન્ટરો પર સામાન્ય નાગરિકો અને ખાસ કરીને વડીલોને નિશાન બનાવતી એક શાતિર ટોળકી સક્રિય હતી. પોલીસે ૧૦૦થી વધુ CCTV કેમેરાના ફૂટેજ તપાસી આ ટોળકીના બે સભ્યોને મુદ્દામાલ સાથે ઝડપી પાડ્યા છે.

સુરત શહેરમાં ATM સેન્ટરો પર સામાન્ય નાગરિકો અને ખાસ કરીને વડીલોને ટાર્ગેટ કરતી એક શાતિર ટોળકી સક્રિય હતી. આ ગઠિયાઓની ગુના કરવાની પદ્ધતિ પદ્ધતિસરની હતી. તેઓ ATM કિયોસ્કમાં પૈસા ઉપાડવા આવતા લોકોને મદદ કરવાની ઓફર કરતા હતા. ટ્રાન્ઝેક્શન દરમિયાન નજર ચૂકવીને પાસવર્ડ જોઈ લેતા અને ગ્રાહકનું અસલી ATM કાર્ડ સેરવી તેના જેવું જ ડમી કે અન્ય કાર્ડ પકડાવી દેતા હતા. આ રીઢા ગુનેગારો ગ્રાહક ત્યાંથી રવાના થાય કે તુરંત જ ચોરેલા કાર્ડ અને મેળવેલા પાસવર્ડથી રોકડ રકમ ઉપાડીને રફૂચક્કર થઈ જતા હતા.

અડાજણ વિસ્તારમાં ઉપરાછાપરી બનેલી આવી ઘટનાઓને ગંભીરતાથી લઈ પોલીસે તપાસનો ધમધમાટ શરૂ કર્યો હતો. તપાસ દરમિયાન પોલીસ ટીમે વિવિધ સ્થળોના ૧૦૦થી વધુ CCTV કેમેરાના ફૂટેજ ઝીણવટપૂર્વક તપાસ્યા હતા. ટેકનિકલ સર્વેલન્સ અને બાતમીદારોની મદદથી આરોપીઓની ઓળખ કરવામાં આવી હતી.

પોલીસે પાંડેસરા અમૃતનગર ખાતે રહેતા અંકિત ઉર્ફે લલ્લા ઉદયબહાદુર યાદવ (ઉં.વ. ૨૪) અને વિસતનગરમાં રહેતા ડિલિવરી બોય વિકાસ રામચંદ્ર ગુપ્તા (ઉં.વ. ૨૨)ને મુદ્દામાલ સાથે ઝડપી પાડ્યા છે. જ્યારે આ ગુનામાં સંડોવાયેલ અન્ય એક આરોપી વિકાસ ઉર્ફે નાનુ રાધેશ્યામ તિવારીને વોન્ટેડ જાહેર કરી તેની શોધખોળ હાથ ધરાઈ છે.
📲Get App