🔥 TRENDING ବାତ୍ୟା ଆଲର୍ଟ ମଧ୍ୟରେ ରେଳ ଚଳାଚଳ ଦେରୀ: ଭୁ... ଭୁବନେଶ୍ୱରରେ 9 ଲକ୍ଷ ଟଙ୍କା ସାଇବର ଠକେଇ ମା... ଓଡ଼ିଶା ଶାସନ ଭବନରେ ଅପରାହ୍ନ ୪ଟା ଯାଏଁ ହୋହ... ଓଡ଼ିଶା ଶାସନ ର ତ୍ରିତୀୟ ବାତ୍ୟା ମୁକାବିଲା... 19 नवंबर के लिए कई देशों में छुट्टी की... West Bengal CM Mamata Banerjee meets A...
20 Nov 2026•
ગુજરાતી मराठी ਪੰਜਾਬੀ বাংলা
હિંમતનગરમાં સ્પાની આડમાં દેહવ્યાપારનો પર્દાફાશ: AHTUની ટીમે વિરા સ્પામાં રેડ પાડી
Crime

હિંમતનગરમાં સ્પાની આડમાં દેહવ્યાપારનો પર્દાફાશ: AHTUની ટીમે વિરા સ્પામાં રેડ પાડી

✍️ Reporter: Kalpeshkumar Narayanbhai Panchal 🗓 02 Oct 2026, 08:20 AM 👁 75
Share: 💬 WhatsApp 📘 Facebook 𝕏 Post

સાબરકાંઠાના હિંમતનગરમાં સ્પાની આડમાં ચાલતી કથિત દેહવ્યાપારની પ્રવૃત્તિનો પર્દાફાશ થયો છે. AHTUની ટીમે બાતમીના આધારે વિરા સ્પામાં દરોડો પાડ્યો હતો.

સાબરકાંઠા જિલ્લાના હિંમતનગર શહેરમાં સ્પા સેન્ટરની આડમાં ચાલતા દેહવ્યાપારના કાળા કારોબારનો પર્દાફાશ થયો છે. આ અંગેની બાતમી મળતાં એન્ટી હ્યુમન ટ્રાફિકિંગ યુનિટ (AHTU)ની ટીમે બાયપાસ રોડ પર આવેલા સિલ્વર પ્લાઝા કોમ્પ્લેક્ષમાં આવેલી 'વિરા સ્પા'માં અચાનક દરોડો પાડ્યો હતો.

પ્રાપ્ત માહિતી અનુસાર, AHTUની ટીમને બાતમી મળી હતી કે વિરા સ્પામાં સ્પાની સેવાઓની આડમાં દેહવ્યાપાર જેવી ગેરકાયદે પ્રવૃત્તિઓ ચાલી રહી છે. આ બાતમીને પગલે ટીમે તાત્કાલિક કાર્યવાહી કરી સ્પામાં રેડ કરી હતી.

રેડ દરમિયાન AHTUની ટીમે સ્થળ પરથી કેટલીક વ્યક્તિઓની અટકાયત કરી હોવાનું જાણવા મળ્યું છે. પોલીસે આ મામલે વધુ તપાસ હાથ ધરી છે અને સ્પાના સંચાલકો તથા તેમાં સામેલ અન્ય લોકો સામે કાયદેસરની કાર્યવાહી કરવામાં આવશે તેમ સૂત્રો પાસેથી જાણવા મળ્યું છે.
📲Get App