🔥 TRENDING କଟକର ମାତାମଠ ନିକଟ କପଡ଼ା ସୋରୁମ୍‌ରେ ଅଗ୍ନି... 1,152 Gujarat Police Officers Set to P... Gujarat Inaugurates 3D Virtual Museum... Gujarat's new waste-to-energy policy o... Thieves steal Rs 1.25 crore of jewelle... Balaghat Air Hostess Murder Case: Vide...
20 Nov 2026•
ગુજરાતી मराठी ਪੰਜਾਬੀ বাংলা
Jobs & Career

ଆବାସ ଯୋଜନାରେ ଫଟୋ ଜାଲିଆତି ଅଭିଯୋଗ; ବୌଦ୍ଧରେ ADEO ନିଲମ୍ବିତ

✍️ Reporter: Deepak Mahapatra 🗓 03 Nov 2026, 01:10 PM 👁 192
Share: 💬 WhatsApp 📘 Facebook 𝕏 Post
ବୌଦ୍ଧ: ପ୍ରଧାନମନ୍ତ୍ରୀ ଆବାସ ଯୋଜନା (PMAY)ରେ ଅନିୟମିତତା ଅଭିଯୋଗରେ ଜଣେ ସରକାରୀ କର୍ମଚାରୀ ନିଲମ୍ବିତ। ବୌଦ୍ଧ ଜିଲ୍ଲାରେ ହିତାଧିକାରୀଙ୍କୁ ଘର ନିର୍ମାଣର ପରବର୍ତ୍ତୀ କିସ୍ତି ଟଙ୍କା ଦେବା ପାଇଁ ପୁରୁଣା ଘରର ଫଟୋକୁ ଏଡିଟ୍ କରି ଅପଲୋଡ୍ କରିଥିବା ଅଭିଯୋଗ ହୋଇଛି। ଏହି ଘଟଣାରେ ଖଟଖଟିଆ ଗ୍ରାମ ପଞ୍ଚାୟତର ଆକାଉଣ୍ଟାଣ୍ଟ-କମ୍-ଡାଟା ଏଣ୍ଟ୍ରି ଅପରେଟର (ADEO) ସରୋଜ କୁମାର ମହାକୁଡ଼ଙ୍କୁ ନିଲମ୍ବନ କରିଛନ୍ତି ବୌଦ୍ଧ ଜିଲ୍ଲାପାଳ।
ପୁରୁଣା ଘରର ଫଟୋ ଅପଲୋଡ୍ କରିଥିବା ଅଭିଯୋଗ
ସୂଚନା ଅନୁସାରେ, କଣ୍ଟାମାଳ ବ୍ଲକ ଅନ୍ତର୍ଗତ ଖଟଖଟିଆ ଗ୍ରାମ ପଞ୍ଚାୟତରେ କାର୍ଯ୍ୟରତ ADEO ସରୋଜ କୁମାର ମହାକୁଡ଼ଙ୍କ ବିରୋଧରେ PMAY ଯୋଜନାର କାର୍ଯ୍ୟକାରିତାରେ ଅନିୟମିତତା ଅଭିଯୋଗ ଆସିଥିଲା।
ଅଭିଯୋଗ ଅନୁଯାୟୀ, ଜଣେ ହିତାଧିକାରୀଙ୍କ ଘର ନିର୍ମାଣ କାମ ଆଗେଇଥିବା ଦର୍ଶାଇବା ପାଇଁ ପୁରୁଣା ଘରର ପରିବର୍ତ୍ତିତ ଫଟୋ ଅପଲୋଡ୍ କରାଯାଇଥିଲା। ଏହା ମାଧ୍ୟମରେ ଆବାସ ଯୋଜନାର ଦ୍ୱିତୀୟ କିସ୍ତି ଅର୍ଥ ମଞ୍ଜୁର କରାଇବାକୁ ଉଦ୍ୟମ ହୋଇଥିବା ଅଭିଯୋଗ ହୋଇଛି।
ଜିଲ୍ଲାପାଳଙ୍କ କାର୍ଯ୍ୟାନୁଷ୍ଠାନ
ଏହି ଅଭିଯୋଗକୁ ନେଇ ବୌଦ୍ଧ ଜିଲ୍ଲାପାଳ ମଙ୍ଗଳବାର ସରୋଜ କୁମାର ମହାକୁଡ଼ଙ୍କ ନିଲମ୍ବନ ଆଦେଶ ଜାରି କରିଛନ୍ତି। ତେବେ ଏହି ଘଟଣାରେ ଆଗକୁ ଆଉ କି ପ୍ରକାର ବିଭାଗୀୟ କାର୍ଯ୍ୟାନୁଷ୍ଠାନ ହେବ, ସେନେଇ ବିସ୍ତୃତ ସୂଚନା ମିଳିନାହିଁ।
ସରକାରୀ ଆବାସ ଯୋଜନାରେ ପ୍ରକୃତ ହିତାଧିକାରୀଙ୍କୁ ସୁବିଧା ମିଳିବା ଲକ୍ଷ୍ୟ ଥିବାବେଳେ ଏଭଳି ଅଭିଯୋଗ ଯୋଜନାର ସ୍ୱଚ୍ଛତା ଓ ତଦାରଖ ବ୍ୟବସ୍ଥାକୁ ନେଇ ପ୍ରଶ୍ନ ଉଠାଇଛି।
📲Get App