🔥 TRENDING Leadership Drives Stronger Fire Safety... Fire Breaks Out at Warehouse on Kolkat... CBI Reports Fugitive Wanted in Murder... Bihar Woman Abducted and Murdered Over... Pune Man Fatally Shot in Old Dispute,... Shashi Tharoor to Debut as Host of Doc...
20 Nov 2026•
ગુજરાતી मराठी ਪੰਜਾਬੀ বাংলা
સુરતમાં ટ્રાફિક પોલીસની કામગીરી પર સવાલ: બાઈક ચાલક પડતાં વિવાદ, યુનિફોર્મમાં ગેરહાજરી મુદ્દે ACPએ કાર્યવાહીની ચીમકી આપી
Crime

સુરતમાં ટ્રાફિક પોલીસની કામગીરી પર સવાલ: બાઈક ચાલક પડતાં વિવાદ, યુનિફોર્મમાં ગેરહાજરી મુદ્દે ACPએ કાર્યવાહીની ચીમકી આપી

✍️ Reporter: Maheta Dhavalkumar Jitendrabhai 🗓 01 Oct 2026, 10:24 PM 👁 55
Share: 💬 WhatsApp 📘 Facebook 𝕏 Post

સુરતના અલ્થાણ વિસ્તારમાં વાહન ચેકિંગ દરમિયાન બાઈક ચાલક રોડ પર પટકાતા ટ્રાફિક પોલીસની કામગીરી સામે ફરી એકવાર સવાલો ઊભા થયા છે. પોલીસ અને બાઈક ચાલકના દાવાઓમાં વિરોધાભાસ જોવા મળ્યો છે, જ્યારે ફરજ પરના પોલીસ કર્મીઓ પ્રોપર યુનિફોર્મમાં ન હોવાનું પણ સામે આવ્યું છે.

સુરતના અલ્થાણ વિસ્તારમાં ટ્રાફિક પોલીસની કામગીરી ફરી એકવાર ચર્ચામાં આવી છે. વાહન ચેકિંગ દરમિયાન એક બાઈક ચાલક રોડ પર પટકાતા સમગ્ર મામલો વિવાદમાં સપડાયો છે. બાઈક ચાલકનો આરોપ છે કે પોલીસે બાઇકના વ્હીલમાં દંડો મારતા તે પડી ગયો હતો, જ્યારે ટ્રાફિક પોલીસના ACPએ આ ઘટના માટે વાહન ચાલકને પોલીસ જોઈને ગભરાઈને અચાનક બ્રેક મારવાને જવાબદાર ઠેરવ્યો છે.

પ્રાપ્ત વિગતો અનુસાર, બપોરે લગભગ બાર વાગ્યાની આસપાસ અલ્થાણ ચાર રસ્તા પાસે ટ્રાફિક પોલીસના ચાર જવાનો હેલ્મેટ વિનાના અને રોંગ સાઈડ આવનાર વાહનચાલકોને દંડવા માટે ઊભા હતા. તે દરમિયાન એક બાઈક ચાલક ત્યાંથી પસાર થઈ રહ્યો હતો. બાઈક ચાલકનો દાવો છે કે પોલીસે તેને રોકવા માટે દંડાનો ઉપયોગ કર્યો અને દંડો સીધો વ્હીલમાં મારતા તે બેલેન્સ ગુમાવીને રસ્તા પર પટકાયો હતો, જેના કારણે તેને ઈજાઓ અને મચકોડ આવી હતી.

જોકે, પોલીસનું કહેવું છે કે વાહન ચાલક પોલીસને જોઈને ગભરાઈ ગયો હતો અને અચાનક બ્રેક મારતા આ ઘટના બની હતી. આ સમગ્ર ઘટનામાં સૌથી ચોંકાવનારી બાબત એ સામે આવી છે કે, ફરજ પર હાજર પોલીસ કર્મીઓ પ્રોપર યુનિફોર્મમાં નહોતા. કેટલાક પોલીસ કર્મીઓએ કેપ પહેરી નહોતી, જ્યારે કેટલાકના યુનિફોર્મ પર નેમ પ્લેટ પણ નહોતી. આ ગંભીર બેદરકારી બદલ ઉચ્ચ અધિકારીએ કડક શબ્દોમાં સસ્પેન્શન સુધીની કાર્યવાહી કરવાની ચીમકી ઉચ્ચારી છે.
📲Get App