🔥 TRENDING एक सर्वेक्षण चल रहा है ग्रामीण की जमीन पर अवैध अतिक्रमण Haryana shifts 32 IFS officers, reshuf... North India Winter Air Pollution Tied... CGBSE Releases 2027 Exam Timetable for... Chhattisgarh to Launch Digital Librari...
20 Nov 2026•
ગુજરાતી मराठी ਪੰਜਾਬੀ বাংলা
ભુજ ખાણ ખનીજ વિભાગના બે કર્મચારીઓ રૂ. ૫૦,૦૦૦ ની લાંચ લેતા ACB ના ઝબ્બે..
Crime

ભુજ ખાણ ખનીજ વિભાગના બે કર્મચારીઓ રૂ. ૫૦,૦૦૦ ની લાંચ લેતા ACB ના ઝબ્બે..

✍️ Reporter: એસ એ શિરોયા 🗓 28 Sep 2026, 10:10 PM 👁 67
Share: 💬 WhatsApp 📘 Facebook 𝕏 Post

ભુજ ખાતે ખાણ ખનીજ વિભાગમાં ફરજ બજાવતા કરાર આધારિત આઇ.ટી. એક્ઝીક્યુટીવ અને પ્રજાજન રૂ. ૫૦,૦૦૦ ની લાંચ લેતા એસીબીના હાથે ઝડપાયા છે. ફરિયાદીની રેતીની લીઝનું ઓનલાઈન એકાઉન્ટ અનલોક કરી આપવાના બદલામાં લાંચ માંગવામાં આવી હતી..

ભુજ ખાતે ખાણ ખનીજ વિભાગમાં ફરજ બજાવતા બે કર્મચારીઓ લાંચ લેતા ઝડપાયા છે. જેમાં કરાર આધારીત આઇ.ટી. એક્ઝીક્યુટીવ જીનીશ નિતિનભાઇ આચાર્ય અને પ્રજાજન આશિષ કાળૂભાઇ આચવડીયાનો સમાવેશ થાય છે. બંને આરોપીઓને રૂ. ૫૦,૦૦૦ ની લાંચ લેતા એન્ટી કરપ્શન બ્યુરો (ACB) દ્વારા રંગેહાથ ઝડપી પાડવામાં આવ્યા છે.

પ્રાપ્ત માહિતી અનુસાર, ફરિયાદીની વર્ષ ૨૦૦૮ માં સરકારશ્રી દ્વારા મંજૂર થયેલ રેતીની લીઝનું ઓનલાઈન એકાઉન્ટ લોક થઈ ગયું હતું. આ એકાઉન્ટને ફરીથી અનલોક કરી આપવા માટે આરોપીઓએ ફરિયાદી પાસે લાંચની માંગણી કરી હતી.

ફરિયાદીએ આ મામલે એસીબીનો સંપર્ક કર્યો હતો, જેના પગલે એસીબી દ્વારા છટકું ગોઠવવામાં આવ્યું હતું. છટકા દરમિયાન, આરોપીઓએ ફરિયાદી પાસેથી રૂ. ૫૦,૦૦૦ ની લાંચ સ્વીકારતા તેમને ઝડપી લેવામાં આવ્યા હતા. આ ઘટનાને પગલે ખાણ ખનીજ વિભાગમાં ચકચાર મચી જવા પામી છે.
📲Get App