🔥 TRENDING ঝাঁসির রানি লক্ষ্মীবাঈর জন্মজয়ন্তীতে... नवादा में जिला स्तरीय जनसुनवाई में 20... ग्यारस पूजा को लेकर उरई में दिखी धार्म... Mizoram Board Releases 2027 Exam Calen... Bengal Clinches SMAT 2026 Victory Over... Tinsukia Rallies Against Siang Dam; Ar...
20 Nov 2026•
ગુજરાતી मराठी ਪੰਜਾਬੀ বাংলা
Education

आदिवासी भागातील प्राथमिक शिक्षकांना मोठा दिलासा; 'एकस्तर पदोन्नती' (S-14) वेतनश्रेणी लागू करण्यात खासदार डॉ. श्रीकांत शिंदे यांना यश!

✍️ Reporter: Kashinath Desale 🗓 28 Oct 2026, 09:04 PM 👁 94
Share: 💬 WhatsApp 📘 Facebook 𝕏 Post
नीड २४न्यूज महाराष्ट्र.

आदिवासी भागातील प्राथमिक शिक्षकांना मोठा दिलासा; 'एकस्तर पदोन्नती' (S-14) वेतनश्रेणी लागू करण्यात खासदार डॉ. श्रीकांत शिंदे यांना यश!
जिल्हा रिपोर्टर काशिनाथ देसले ठाणे.
तालूका रिपोर्टर किशोर पवार मुरबाड
२९/१०/२०२६ विशेष वृत्त
ठाणे/मुरबाड:
महाराष्ट्र राज्यातील आदिवासी आणि दुर्गम भागात ज्ञानदानाचे पवित्र कार्य करणाऱ्या प्राथमिक शिक्षकांसाठी अत्यंत आनंदाची आणि दिलासादायक बातमी समोर आली आहे. शिक्षकांच्या दीर्घकालीन मागणीचा विचार करून अखेर 'एकस्तर पदोन्नती' (S-14) योजनेअंतर्गत पदोन्नतीच्या पदाची सुधारित वेतनश्रेणी लागू करण्याचा ऐतिहासिक निर्णय शासनाने घेतला आहे.
कल्याण लोकसभा मतदारसंघाचे लोकप्रिय खासदार मा. श्री. डॉ. श्रीकांत एकनाथ शिंदे यांनी या संवेदनशील विषयावर शासनाकडे सातत्याने आणि आक्रमकपणे केलेल्या यशस्वी पाठपुराव्यामुळेच हा न्याय मिळाल्याचे बोलले जात आहे. या निर्णयामुळे दुर्गम भागात सेवा देणाऱ्या हजारो प्राथमिक शिक्षकांमध्ये आनंदाचे वातावरण पसरले आहे.
शिक्षक, शिक्षकेतर सेनेच्या मागणीचा मोठा विजय
महाराष्ट्र राज्य शिक्षक आणि शिक्षकेतर सेनेच्या वतीने या प्रलंबित मागणीसाठी गेल्या अनेक दिवसांपासून सातत्याने लढा दिला जात होता. आदिवासी व ग्रामीण भागातील विपरित परिस्थितीशी झुंजत काम करणाऱ्या शिक्षकांना त्यांच्या हक्काची वेतनश्रेणी मिळावी, ही मुख्य मागणी संघटना सातत्याने लावून धरत होती. खासदार डॉ. श्रीकांत शिंदे यांनी या मागणीची गांभीर्याने दखल घेत, मुख्यमंत्र्यांकडे आणि संबंधित मंत्रालयाकडे याचा विशेष पाठपुरावा केला. त्यांच्या या अथक प्रयत्नांना अखेर मोठे यश आले असून, हा संघटना आणि शिक्षकांच्या न्याय्य हक्काचा मोठा विजय मानला जात आहे.
शिक्षकांकडून खासदार श्रीकांत शिंदे यांचे आभार
या महत्त्वपूर्ण निर्णयाची घोषणा होताच ठाणे जिल्हा आणि विशेषतः मुरबाड तालुक्यातील दुर्गम व ग्रामीण भागातील शिक्षक बांधवांनी एकत्र येत आनंदोत्सव साजरा केला. "आदिवासी भागात काम करताना येणाऱ्या अडचणी लक्षात घेऊन खासदार डॉ. श्रीकांत शिंदे यांनी आमचे प्रश्न शासना दरबारी योग्य रीतीने मांडले. त्यांनी दाखवलेल्या संवेदनशीलतेमुळे आज आम्हा शिक्षकांना हा मोठा दिलासा मिळाला आहे," अशा भावना स्थानिक शिक्षकांनी व्यक्त केल्या आहेत. या ऐतिहासिक निर्णयाबद्दल संपूर्ण ठाणे जिल्ह्यातून तसेच मुरबाड तालुक्यातील शिक्षक व शिक्षकेतर कर्मचाऱ्यांकडून खासदार डॉ. श्रीकांत शिंदे यांचे विशेष आभार मानले जात आहेत.
📲Get App