🔥 TRENDING Anushka Shetty Sells Hyderabad Residen... Actress Sreeleela’s Telugu film hiatus... Democratic Lawmakers Link US Funding B... Government to Establish Central Author... Tripura SW & SE Minister pledges maste... Siberian migratory birds spotted acros...
20 Nov 2026•
ગુજરાતી मराठी ਪੰਜਾਬੀ বাংলা
Local

સુરતમાં વિજયાદશમીની તૈયારી: વેસુમાં 80 ફૂટનો રાવણ અને ડુમસમાં રોબોટિક ટેક્નોલોજી

✍️ Reporter: Maheta Dhavalkumar Jitendrabhai 🗓 19 Oct 2026, 07:49 PM 👁 85
Share: 💬 WhatsApp 📘 Facebook 𝕏 Post

સુરતમાં આ વર્ષે વિજયાદશમી ભવ્યતા અને આધુનિક ટેક્નોલોજી સાથે ઉજવાશે. વેસુમાં આગ્રાના મુસ્લિમ કારીગરો દ્વારા 80 ફૂટનો રાવણ તૈયાર થઈ રહ્યો છે, જ્યારે ડુમસમાં રોબોટિક રાવણનું દહન થશે.

સુરતમાં આ વર્ષે વિજયાદશમીનો પર્વ ભવ્યતા, આધુનિક ટેક્નોલોજી અને સામાજિક સૌહાર્દના અનોખા ત્રિવેણી સંગમ સાથે ઉજવાશે. શહેરના બે અલગ-અલગ વિસ્તારોમાં રાવણ દહનને લઈને ભારે ઉત્સાહ જોવા મળી રહ્યો છે. વેસુ ખાતે વીઆઈપી રોડ પર શ્રી આદર્શ રામલીલા ટ્રસ્ટ દ્વારા 80 ફૂટ ઊંચા વિશાળ રાવણનું દહન કરવામાં આવશે, જેનું નિર્માણ ઉત્તર પ્રદેશના આગ્રાથી આવેલા મુસ્લિમ કારીગરો કરી રહ્યા છે.

બીજી તરફ, ડુમસના આશાપુરી ભક્ત મંડળ દ્વારા આધુનિક રોબોટિક ટેક્નોલોજીથી સજ્જ 55 ફૂટ ઊંચા હલતા-ડોલતા અને ‘સિક્સ પેક એબ્સ’ ધરાવતા રાવણનું દહન કરવાનું આયોજન કરાયું છે. બંને સ્થળોએ પરંપરાગત દહનની સાથે અદ્યતન ઇલેક્ટ્રોનિક્સ અને સ્પેશિયલ ઇફેક્ટ્સ આકર્ષણનું મુખ્ય કેન્દ્ર બનશે.

વેસુ સ્થિત વીઆઈપી રોડના SMC મેદાનમાં શ્રી આદર્શ રામલીલા ટ્રસ્ટ દ્વારા આયોજિત કાર્યક્રમ માટે તડામાર તૈયારીઓ ચાલી રહી છે. અહીં 80 ફૂટ ઊંચા રાવણ ઉપરાંત 60-60 ફૂટ ઊંચા કુંભકર્ણ અને મેઘનાદના વિશાળ પૂતળા તૈયાર કરવામાં આવી રહ્યા છે. આ પૂતળાઓના નિર્માણ માટે આગ્રાથી ખાસ 15 મુસ્લિમ કારીગરોની ટીમ સુરત આવી છે, જેઓ રાત-દિવસ એક કરીને કામ કરી રહ્યા છે.

હિન્દુઓના પવિત્ર તહેવાર માટે મુસ્લિમ પરિવારો દ્વારા પેઢીઓથી પૂતળા બનાવવાની આ પરંપરા સુરતમાં કોમી એકતા અને સામાજિક ભાઈચારાનું ઉત્તમ ઉદાહરણ પૂરું પાડી રહી છે. આ વખતે લંકાનો આકાર પણ ભૂતકાળ કરતાં ઘણો મોટો રાખવામાં આવ્યો છે.
📲Get App