🔥 TRENDING Film Production Begins in Flatonia, Fa... Tongsum Tourism Festival Highlights Da... Sikkim Selects 23-Member Team for Nati... Sikkim Governor Reviews Development Pr... Bengal to Face Mizoram in 20 November... 17 Mizoram firms awarded green certifi...
20 Nov 2026•
ગુજરાતી मराठी ਪੰਜਾਬੀ বাংলা
Crime

ઉમરપાડા જંગલમાંથી ખેરના વૃક્ષો કાપતી 8 લોકોની ગેંગ વન વિભાગે ઝડપી પાડી

✍️ Reporter: Maheta Dhavalkumar Jitendrabhai 🗓 17 Oct 2026, 09:18 AM 👁 80
Watch on: ▶️ YouTube
Share: 💬 WhatsApp 📘 Facebook 𝕏 Post

ઉમરપાડાના સંરક્ષિત જંગલમાંથી કિંમતી ખેરના વૃક્ષોનું ગેરકાયદે છેદન કરી હેરાફેરી કરતી આંતરજિલ્લા ગેંગના 8 તસ્કરોને વન વિભાગે ઝડપી પાડ્યા છે. તેમની પાસેથી 3.90 લાખનો દંડ વસૂલવામાં આવ્યો છે.

ઉમરપાડા બીટ વિસ્તારના સંરક્ષિત જંગલમાંથી કિંમતી અને પ્રતિબંધિત ખેરના વૃક્ષોનું ગેરકાયદે છેદન કરી હેરાફેરી કરતી આંતરજિલ્લા ગેંગના 8 તસ્કરોને વન વિભાગે ઝડપી પાડી 3.90 લાખનો આકરો દંડ વસૂલ કર્યો છે.

પ્રાપ્ત માહિતી અનુસાર, આ તસ્કરો સૌપ્રથમ દિવસના સમયે જંગલમાં ઘૂસી કરવત વડે બે મોટા ખેરના ઝાડ કાપી નાખતા હતા. ત્યારબાદ, લાકડાંના ટુકડા તાત્કાલિક લઈ જવાને બદલે જંગલના ગાઢ ઝાડી-ઝાંખરામાં છુપાવી દેતા હતા.

જ્યારે માહોલ શાંત જણાતો ત્યારે રાતના અંધારામાં ટાટા-407 ટેમ્પો (GJ-07-Z-5425) લાવી લાકડાં ભરી બારોબાર સગેવગે કરવાનો તેમનો મનસૂબો હતો. જોકે, વન વિભાગની સતર્કતાને કારણે તેમના આ કારસ્તાનનો પર્દાફાશ થયો.

સુરત વન સંરક્ષક પુનીત નય્યર, ડીસીએફ ધીરજ કુમાર અને એસીએફ ગૌરવ લોઢાના માર્ગદર્શન હેઠળ આરએફઓ કમલેશ ચૌધરીની ટીમે આ સફળ કામગીરી પાર પાડી હતી.
📲Get App