🔥 TRENDING Anushka Shetty Sells Hyderabad Residen... Actress Sreeleela’s Telugu film hiatus... Democratic Lawmakers Link US Funding B... Government to Establish Central Author... Tripura SW & SE Minister pledges maste... Siberian migratory birds spotted acros...
20 Nov 2026•
ગુજરાતી मराठी ਪੰਜਾਬੀ বাংলা

સુરતની ભગવાન મહાવીર યુનિવર્સિટીમાં 70 મહિલા સફાઈ કર્મચારીઓએ ત્રણ મહિનાના પગાર માટે ધરણાં

✍️ Reporter: Maheta Dhavalkumar Jitendrabhai 🗓 21 Oct 2026, 07:03 PM 👁 222
Share: 💬 WhatsApp 📘 Facebook 𝕏 Post

ગુજરાત સંઘર્ષ મજદૂર યુનિયનની આગેવાની હેઠળ યુનિવર્સિટી કેમ્પસમાં ધરણાં કરતાં કર્મચારીઓએ પ્રશાસનની નીતિઓ સામે રોષ વ્યક્ત કર્યો છે.

સુરતની ચર્ચિત ભગવાન મહાવીર યુનિવર્સિટીમાં ફરજ બજાવતી આશરે 70 જેટલી મહિલા સફાઈ કર્મચારીઓએ છેલ્લા ત્રણ મહિનાથી બાકી રહેલા પગારની માંગ સાથે યુનિવર્સિટી કેમ્પસમાં જ ધરણાં પ્રદર્શન શરૂ કર્યું છે. ગુજરાત સંઘર્ષ મજદૂર યુનિયનના જનરલ સેક્રેટરી શરદ ઝગડેની આગેવાની હેઠળ એકત્ર થયેલી મહિલા કર્મચારીઓએ યુનિવર્સિટી પ્રશાસનની નીતિઓ સામે ભારે આક્રોશ વ્યક્ત કર્યો હતો.

આગામી 10 દિવસમાં જ દિવાળીનો મોટો તહેવાર આવી રહ્યો છે, ત્યારે આટલા સમયથી મહેનતાણું ન મળતાં શ્રમિક પરિવારોમાં ઘેરા રોષની લાગણી ફેલાઈ છે. કર્મચારીઓએ પ્રશાસન પર પગાર વહેલો કરવા માટે દબાણ વધાર્યું છે.

યુનિવર્સિટી પ્રશાસન દ્વારા હાલમાં આ વિષય પર કોઈ સ્પષ્ટતા કરવામાં આવી નથી, જ્યારે મજદૂર યુનિયન દ્વારા પગાર મળ્યા સુધી આ આંદોલન ચાલુ રાખવાની જાહેરાત કરવામાં આવી છે.
📲Get App