🔥 TRENDING Unakoti District Launches JJM 2.0 Wate... Tripura CM attributes BJP's rising pop... India's First Organized Donkey Farm La... Himachal Pradesh Introduces Bill to Si... Himachal Pradesh to levy environmental... 12 killed in two separate road crashes...
20 Nov 2026•
ગુજરાતી मराठी ਪੰਜਾਬੀ বাংলা
પશ્ચિમ કચ્છ પોલીસે 6 વર્ષથી ફરાર 9 ગુનાના વોન્ટેડ બુટલેગર રાસુભા સોઢાને ઝડપી પાડ્યો
Crime

પશ્ચિમ કચ્છ પોલીસે 6 વર્ષથી ફરાર 9 ગુનાના વોન્ટેડ બુટલેગર રાસુભા સોઢાને ઝડપી પાડ્યો

✍️ Reporter: Salman sama 🗓 28 Sep 2026, 04:21 PM 👁 75
Share: 💬 WhatsApp 📘 Facebook 𝕏 Post

પશ્ચિમ કચ્છ LCB પોલીસને મોટી સફળતા મળી છે. 9 પ્રોહીબિશનના ગુનામાં છેલ્લા 6 વર્ષથી ફરાર અને મોસ્ટ વોન્ટેડ બુટલેગર રાસુભા ઉર્ફે રાસીયો તગજી સોઢાને પોલીસે ઓપરેશન ખોજ હેઠળ ઝડપી પાડ્યો છે.

પશ્ચિમ કચ્છ જિલ્લાના અલગ-અલગ પોલીસ સ્ટેશનના 9 પ્રોહીબિશનના ગુનાઓમાં છેલ્લા 6 વર્ષથી ફરાર અને ઇંગ્લિશ દારૂના મોસ્ટ વોન્ટેડ બુટલેગર રાસુભા ઉર્ફે રાસીયો તગજી સોઢાને લોકલ ક્રાઇમ બ્રાન્ચ, ભુજ-કચ્છ પોલીસે ઝડપી પાડ્યો છે. આ બુટલેગર પોલીસને પડકાર ફેંકી રહ્યો હતો અને દારૂની હેરાફેરીમાં સંડોવાયેલો હતો.

IGP ચિરાગ કોરડીયા અને SP વિકાસ સુંડાના માર્ગદર્શન હેઠળ LCBની ટીમે આ આરોપીને પકડવા માટે 15 દિવસ સુધી ખાનગી વેશમાં ખાનાય જંગલ વિસ્તારમાં વોચ ગોઠવી હતી. આ માટે 'ઓપરેશન ખોજ' હાથ ધરવામાં આવ્યું હતું.

27 સપ્ટેમ્બરના રોજ મળેલી ચોક્કસ બાતમીના આધારે પોલીસે ખાનાય સીમમાંથી આરોપી રાસુભા સોઢાને સફળતાપૂર્વક ઝડપી લીધો. આ કાર્યવાહીથી પોલીસ તંત્રમાં ખુશીનો માહોલ છે અને આવા ગુનેગારો સામે કડક કાર્યવાહીનો સંદેશો મળ્યો છે.
📲Get App