🔥 TRENDING Woman Spotted Hanging from Mumbai Loca... Altered Video Shows CDS General N.S. R... Woman Assaulted at Meerut Fair After R... Leigh Francis Joins ‘I’m a Celebrity’,... Court Says Husband Must Prove Wife Kne... बिजली राजस्व वसूली और ऊर्जा खपत की निग...
20 Nov 2026•
ગુજરાતી मराठी ਪੰਜਾਬੀ বাংলা
સુરતમાં સાયબર છેતરપિંડી: યુવક પાસેથી 'શ્રુતિ શેટ્ટી'ના નામે 58.50 લાખ પડાવ્યા
Crime

સુરતમાં સાયબર છેતરપિંડી: યુવક પાસેથી 'શ્રુતિ શેટ્ટી'ના નામે 58.50 લાખ પડાવ્યા

✍️ Reporter: Maheta Dhavalkumar Jitendrabhai 🗓 03 Oct 2026, 07:10 PM 👁 71
Share: 💬 WhatsApp 📘 Facebook 𝕏 Post

સુરતમાં સાયબર માફિયાઓએ 'શ્રુતિ શેટ્ટી' નામની યુવતીની ફેક ઓળખ ઊભી કરીને એક યુવકને ફોરેક્સ ટ્રેડિંગમાં મોટા નફાની લાલચ આપીને કુલ રૂ. 58.50 લાખની છેતરપિંડી કરી છે. આ મામલો સુરત સાયબર ક્રાઈમ પોલીસ મથકે પહોંચ્યો છે.

સુરતમાં સાયબર છેતરપિંડીનો વધુ એક મોટો કિસ્સો સામે આવ્યો છે, જેમાં સાયબર માફિયાઓએ 'શ્રુતિ શેટ્ટી' નામની યુવતીની બનાવટી ઓળખ ઊભી કરીને એક યુવકને પોતાની જાળમાં ફસાવ્યો હતો. ભેજાબાજોએ ટેલિગ્રામ અને વોટ્સએપ દ્વારા યુવકનો સંપર્ક કર્યો અને ફોરેક્સ ટ્રેડિંગમાં મોટા નફાની લાલચ આપીને કુલ રૂ. 58.50 લાખ પડાવી લીધા છે. આ સમગ્ર મામલો સુરત સાયબર ક્રાઈમ પોલીસ મથકે નોંધાયો છે.

પ્રાથમિક તપાસ મુજબ, આ ઠગાઈ નવેમ્બર 2025 થી 28 જુલાઈ 2026 દરમિયાન આયોજનબદ્ધ રીતે આચરવામાં આવી હતી. સાયબર માફિયાઓએ સૌપ્રથમ 'શ્રુતિ શેટ્ટી' નામથી સોશિયલ મીડિયા પર યુવકનો સંપર્ક કર્યો અને તેની સાથે ગાઢ મિત્રતા કેળવી. ત્યારબાદ, તેઓએ 'પીયુ પ્રાઈમ' (PU Prime) નામની ફાઇનાન્સ કંપનીમાં નોકરી કરતી હોવાનું જણાવી યુવકનો વિશ્વાસ જીત્યો હતો.

યુવકનો સંપૂર્ણ વિશ્વાસ જીત્યા બાદ, સાયબર માફિયાઓએ 'પીયુ પ્રાઈમ' નામની એક નકલી વેબસાઇટ બનાવી તેની લિંક યુવકને મોકલી આપી. તેમણે યુવકને આ વેબસાઇટ પર રજીસ્ટ્રેશન કરાવવા અને તેના નામે એક આઈડી જનરેટ કરવા કહ્યું. આ વેબસાઇટ મારફતે ફોરેક્સ ટ્રેડિંગ કરવાથી ટૂંકા ગાળામાં ખૂબ મોટો નફો મળશે તેવી લોભામણી લાલચ આપવામાં આવી હતી, જેના કારણે યુવકે મોટી રકમ ગુમાવી.
📲Get App