🔥 ट्रेंडिंग उनाकोति जिले ने जजम 2.0 जल आपूर्ति पहल... त्रिपुरा सीएम ने भाजपा की बढ़ती लोकप्र... भारत का पहला संगठित गधे का फार्म खुला,... हिमाचल प्रदेश ने निवेश मंजूरी को आसान... हिमाचल प्रदेश में सड़क माल परिवहन पर प... उत्ताराखण्ड में दो सड़क दुर्घटनाओं में...
20 नव. 2026•
ગુજરાતી मराठी ਪੰਜਾਬੀ বাংলা
પટ્ટણના ચામુંડા મંદિરની ચોરીનો ભેદ ઉકેલવા 52 ગામ માછી સમાજ મેદાને
अपराध

પટ્ટણના ચામુંડા મંદિરની ચોરીનો ભેદ ઉકેલવા 52 ગામ માછી સમાજ મેદાને

✍️ रिपोर्टर: Hasmukh Bhoi 🗓 08 अक्टू. 2026, 06:28 PM 👁 84
शेयर करें: 💬 WhatsApp 📘 Facebook 𝕏 Post
નમસ્કાર...

મહીસાગર જિલ્લાના લુણાવાડા તાલુકાના પટ્ટણ ગામે આવેલ ચામુંડા માતાજીના મંદિરમાં થયેલી ચોરીનો ભેદ હજુ પણ અકબંધ છે, અને તેને લઈને હવે 52 ગામ માછી સમાજમાં ભારે રોષ જોવા મળી રહ્યો છે.

આશરે પાંચ મહિના પહેલા, માછી સમાજના આસ્થાના કેન્દ્ર સમાન આ ચામુંડા માતાજીના મંદિરેથી કિંમતી આભૂષણો અને દાનપેટીની ચોરી થઈ હતી. આ અંગે લુણાવાડા પોલીસ સ્ટેશનમાં ફરિયાદ નોંધાવા છતાં અને પોલીસ અધિક્ષકને રજૂઆત કરવા છતાં, પાંચ મહિના વીત્યા બાદ પણ આરોપીઓ પોલીસ પકડથી દૂર છે.

ન્યાયની માંગ સાથે આજે, તારીખ 8 ઓક્ટોબરના રોજ, 52 ગામના માછી સમાજના આગેવાનો, વડીલો અને મોટી સંખ્યામાં લોકો મહીસાગર જિલ્લા કલેક્ટર કચેરી ખાતે પહોંચ્યા હતા અને કલેક્ટર શ્રીને આવેદનપત્ર પાઠવ્યું હતું.

સમાજની એક જ માંગ છે - આ ગંભીર ઘટનાની તાત્કાલિક તપાસ કરી, ચોરીનો ભેદ ઉકેલવામાં આવે અને આરોપીઓને ઝડપી પાડી તેમની સામે કડકમાં કડક કાયદેસરની કાર્યવાહી કરવામાં આવે.

હવે જોવું એ રહ્યું કે, તંત્ર આ મામલે કેટલી ઝડપથી કાર્યવાહી કરે છે.
📲Get App