🔥 TRENDING विष्णु धाम महोत्सव की तैयारियों का डीए... गुरवा चौक में बिना नंबर प्लेट गाड़ी से... তৃণমূল পন্থী মনোভাব বিজেপি কর্মীরা ২০০... UP Congress In‑Charge Says SP Alliance... Taj Mahal Urs Committee Demands Action... Woman and Two Daughters Perish in Hous...
19 Nov 2026•
ગુજરાતી मराठी ਪੰਜਾਬੀ বাংলা
વડિયાનું બાટવા દેવળી બન્યું પ્રથમ સંપૂર્ણ સ્માર્ટ મીટર ધરાવતું ગામ, 512 કનેક્શનમાં લાગ્યા સ્માર્ટ મીટર

વડિયાનું બાટવા દેવળી બન્યું પ્રથમ સંપૂર્ણ સ્માર્ટ મીટર ધરાવતું ગામ, 512 કનેક્શનમાં લાગ્યા સ્માર્ટ મીટર

✍️ Reporter: dhruvin muliya 🗓 28 Sep 2026, 09:02 PM 👁 75
Share: 💬 WhatsApp 📘 Facebook 𝕏 Post

અમરેલી જિલ્લાના વડિયા PGVCL હેઠળ આવતા બાટવા દેવળી ગામે વિરોધ વગર સ્વેચ્છાએ 512 કનેક્શનમાં સ્માર્ટ મીટર લગાવીને તાલુકાનું પ્રથમ સ્માર્ટ વિલેજ બનવાનું બહુમાન મેળવ્યું છે.

સમગ્ર રાજ્યમાં વિજતંત્ર દ્વારા લગાવાતા સ્માર્ટ મીટરની પરોજણ અને લોકોના વિરોધ વંટોળનો સામનો કર્મચારીઓ કરતા હોય છે ત્યારે અમરેલી જિલ્લાના વડિયા કુંકાવાવ તાલુકાના વડિયા PGVCL નીચે આવતા બાટવા દેવળી ગામના લોકોની વિચારસરણી અનોખી હોય તેવી ઘટના સામે આવતી જોવા મળી રહી છે.
પ્રાપ્ત થયેલી વિગતો મુજબ વડિયા PGVCL ના ડેપ્યુટી ઈજનેર ડી ડી માયં ના માર્ગદર્શન અને બાટવા દેવળી ગામના સરપંચ યતીન નાગાણી અને ગ્રામજનોની જાગૃતતા અને સહકારથી વડિયા કુંકાવાવ તાલુકાનું પ્રથમ બાટવા દેવળી ગામ સ્માર્ટ મીટર ધરાવતું ગામ બન્યું છે. આ ગામમાં કુલ 512 લાઈટ કનેક્શન માં ડિજીટલ સ્માર્ટ મીટર સ્વેચ્છા એ ગ્રાહકોની મરજીથી કોઈ વિરોધ વગર લગાવવા માં આવ્યા છે. અને ગ્રામજનો એ એક વિજચોરી અટકાવવાની પહેલને સામે થી સહકાર આપતું ગામડું બન્યું છે.
આ ગામમાં PGVCL દ્વારા 472 ઘરો, 28 દુકાનો, ગ્રામપંચાયત, વોટર વર્ક્સ, સ્ટ્રીટલાઈટ, આંગણવાડી, સરકારી દવાખાનું સહિત તમામ જગ્યાએ સ્માર્ટ મીટર લગાવી અનોખી જાગુતતા અપાવતું વડિયા કુંકાવાવ તાલુકાનું પહેલું સ્માર્ટ મીટર ધરાવતું વિલેજ બન્યું છે. ત્યારે આ ગામને સ્માર્ટ મીટર વિલેજ ગામ બનાવવા માટે વડિયા PGVCL ના ડેપ્યુટી ઈજનેર ડી ડી માયં, બાટવા દેવળી સરપંચ યતીન નાગાણી, વિલેજ હેલ્પર આર.એલ.બાલાપરીયા સહિતના એ જહેમત ઉઠાવી હતી.
📲Get App