🔥 TRENDING Anushka Shetty Sells Hyderabad Residen... Actress Sreeleela’s Telugu film hiatus... Democratic Lawmakers Link US Funding B... Government to Establish Central Author... Tripura SW & SE Minister pledges maste... Siberian migratory birds spotted acros...
20 Nov 2026•
ગુજરાતી मराठी ਪੰਜਾਬੀ বাংলা
Local

સુરતના ટેક્સટાઇલ ઉદ્યોગે વીજ સંકટમાં દિવાળી લાઇટિંગ 5 દિવસ સુધી મર્યાદિત

✍️ Reporter: Maheta Dhavalkumar Jitendrabhai 🗓 21 Oct 2026, 05:52 PM 👁 76
Share: 💬 WhatsApp 📘 Facebook 𝕏 Post

સુરતના કાપડ બજારોમાં વીજળીની તંગી વચ્ચે દિવાળી ઉજવણી માટે લાઇટિંગ 20 દિવસથી ઘટાડીને માત્ર 5 દિવસ રાખવાનું નક્કી કર્યું છે, જ્યારે કાપડ ઉત્પાદન ખર્ચમાં 20% સુધીનો વધારો થયો છે.

સુરતના ટેક્સટાઇલ ઉદ્યોગે વર્તમાન વીજ સંકટ વચ્ચે એક મોટો નિર્ણય લીધો છે. DGVCL દ્વારા 1 દિવસના વીજળી કાપ (8 કલાકનો કાપ)ની જાહેરાત બાદ વેપારીઓએ પોતાની રીતે વીજળી બચાવવાની કવાયત હાથ ધરી છે.

સામાન્ય રીતે દર વર્ષે દિવાળીના તહેવાર ટાણે કાપડ માર્કેટોમાં 20 દિવસ સુધી ભવ્ય રોશની અને શણગાર કરવામાં આવતો હતો, પરંતુ આ વખતે વીજળીની બચત કરવા માત્ર 5 દિવસ જ લાઇટિંગ કરવાનો નિર્ણય લેવાયો છે. બીજી તરફ, દિવાળી પૂર્વે કાપડ બજારના ટ્રેડર્સ ગંભીર સ્થિતિનો સામનો કરી રહ્યા છે.

વીજળી બચાવવા 20ને બદલે માત્ર 5 દિવસ રોશની કરાશે દિવાળી પર્વ પર સુરતના રિંગરોડ સહિતના ટેક્સટાઇલ માર્કેટો અગાઉ 15 થી 20 દિવસ સુધી રંગબેરંગી લાઈટોથી ઝળહળી ઉઠતા હતા. જોકે, વર્તમાન સમયમાં પાવર કટોકટીને કારણે અનેક માર્કેટ દ્વારા સ્વૈચ્છિક નિર્ણય લેવામાં આવ્યો છે કે, તહેવારની પરંપરા પણ જળવાઈ રહે અને વીજળીનો ખોટો બગાડ પણ ન થાય તે માટે ધનતેરસથી લઈને લાભપાંચમ સુધીના માત્ર 5 દિવસ જ રોશની ચાલુ રાખવામાં આવશે.

ક્રૂડ, કોલસો અને યાર્નમાં આવેલી તેજીના કારણે કાપડના ઉત્પાદન ખર્ચમાં 20% સુધીનો તોતિંગ વધારો થયો છે, જેનાથી બજારમાં ગ્રાહકી અને વેપાર પ્રભાવિત થયા છે. વેપારીઓનું માનવું છે કે, જ્યારે રાજ્ય કે દેશમાં વીજળીની તંગી જેવી સ્થિતિ ઊભી થાય, ત્યારે ઉદ્યોગ જગતે આગળ આવીને સહયોગ આપવો જોઈએ.
📲Get App