🔥 ट्रेंडिंग सेविसेज़ बनाम नागालैंड: 19 नवंबर 2026... नागालैंड का संयुक्त बिक्री दिवस दिखाए... नागालैंड विश्वविद्यालय में अंतरराष्ट्र... मणिपुर में सेना वाहन दुर्घटना में दो म... सिक्किम बनाम मणिपुर: 20 नवम्बर 2026 के... मणिपुर उच्च न्यायालय ने पुलिस को गिरफ्...
20 नव. 2026•
ગુજરાતી मराठी ਪੰਜਾਬੀ বাংলা
स्थानीय

અમદાવાદ: શાસ્ત્રી બ્રિજ નજીક 40 ફૂટ ઊંડી ગટરમાં પડી બાળકી, બચાવ કાર્ય શરૂ

✍️ रिपोर्टर: Kalpeshkumar Narayanbhai Panchal 🗓 11 अक्टू. 2026, 08:14 AM 👁 109
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

અમદાવાદમાં તંત્રની બેદરકારી સામે ભારે રોષ જોવા મળી રહ્યો છે. શાસ્ત્રી બ્રિજ નજીક માતા રિક્ષાનું ભાડું ચૂકવી રહી હતી તે દરમિયાન અંદાજે 10 વર્ષની પ્રજ્ઞાચક્ષુ બાળકી ગટરમાં ખાબકી હતી. ફાયર વિભાગ દ્વારા બાળકીને શોધવા માટે રેસ્ક્યુ ઓપરેશન હાથ ધરવામાં આવ્યું છે.

અમદાવાદ શહેરમાં તંત્રની લાપરવાહી ફરી એકવાર સામે આવી છે. શાસ્ત્રી બ્રિજ નજીક એક દુર્ઘટના સર્જાઈ છે જ્યાં અંદાજે 10 વર્ષની પ્રજ્ઞાચક્ષુ બાળકી 40 ફૂટ ઊંડી ગટરમાં ખાબકી હતી. આ ઘટના ત્યારે બની જ્યારે બાળકીની માતા રિક્ષાનું ભાડું ચૂકવી રહી હતી. રિક્ષાની પાછળ જતી વખતે જમીન ધસી પડતાં બાળકી ગટરમાં પડી ગઈ હોવાની આશંકા વ્યક્ત કરવામાં આવી રહી છે.

આ ઘટનાની જાણ થતાં જ અસલાલી અને જમાલપુર ફાયર ટીમ તાત્કાલિક ઘટનાસ્થળે દોડી આવી હતી. ફાયર બ્રિગેડની ત્રણ ગાડીઓ ઘટનાસ્થળે પહોંચી ગઇ છે અને બાળકીને શોધવા માટે સઘન રેસ્ક્યુ ઓપરેશન હાથ ધરવામાં આવ્યું છે. ગટરલાઇનના મેપની મદદથી બાળકીનું લોકેશન શોધવાનો પ્રયાસ કરવામાં આવી રહ્યો છે.

જોકે, ગટરમાં પાણીનો પ્રવાહ ખૂબ વધારે હોવાને કારણે બચાવ કાર્યમાં મુશ્કેલી પડી રહી છે. એવી પણ આશંકા વ્યક્ત કરવામાં આવી રહી છે કે બાળકી પાણીના પ્રવાહમાં તણાઈને સાબરમતી નદી તરફ ગઈ હોઈ શકે છે. તંત્રની આ બેદરકારી સામે સ્થાનિક લોકોમાં ભારે રોષ જોવા મળી રહ્યો છે અને તેઓ જવાબદારો સામે કડક કાર્યવાહીની માંગ કરી રહ્યા છે.
📲Get App