🔥 TRENDING Film Production Begins in Flatonia, Fa... Tongsum Tourism Festival Highlights Da... Sikkim Selects 23-Member Team for Nati... Sikkim Governor Reviews Development Pr... Bengal to Face Mizoram in 20 November... 17 Mizoram firms awarded green certifi...
20 Nov 2026•
ગુજરાતી मराठी ਪੰਜਾਬੀ বাংলা
સુરતમાં સસ્તા આઈફોનની લાલચ આપી લાખોની છેતરપિંડી: 4 આરોપીઓની ધરપકડ
Crime

સુરતમાં સસ્તા આઈફોનની લાલચ આપી લાખોની છેતરપિંડી: 4 આરોપીઓની ધરપકડ

✍️ Reporter: Maheta Dhavalkumar Jitendrabhai 🗓 23 Sep 2026, 06:48 PM 👁 85
Share: 💬 WhatsApp 📘 Facebook 𝕏 Post

સુરત શહેરમાં વિદેશથી સસ્તા ભાવે બ્રાન્ડેડ આઈફોન અપાવવાના નામે વેપારીઓ અને નાગરિકો સાથે છેતરપિંડી આચરતી ટોળકીનો સરથાણા પોલીસે પર્દાફાશ કર્યો છે. પોલીસે ગણતરીના કલાકોમાં જ 4 આરોપીઓની ધરપકડ કરી કાયદેસરની કાર્યવાહી હાથ ધરી છે.

સુરત શહેરમાં સસ્તા આઈફોન અપાવવાના નામે છેતરપિંડી કરતી ટોળકીનો સરથાણા પોલીસે પર્દાફાશ કર્યો છે. આ ટોળકી વિદેશથી સસ્તા ભાવે બ્રાન્ડેડ આઈફોન અપાવવાની લાલચ આપી વેપારીઓ અને નાગરિકો સાથે છેતરપિંડી કરતી હતી. પોલીસે આ ગુનામાં સંડોવાયેલા 4 આરોપીઓની ગણતરીના કલાકોમાં જ ધરપકડ કરી કાયદેસરની કાર્યવાહી હાથ ધરી છે.

મળતી માહિતી મુજબ, સરથાણા કેનાલ રોડ પર 'ઓમ ઢાબા દાલબાટી' ચલાવતા મૂળ રાજસ્થાનના ચિરાગકુમાર જયશંકર રાવલે નોંધાવેલી ફરિયાદ અનુસાર, તેમના વતનના દીપક રાવત અવારનવાર હોટલ પર આવતો હતો. દીપકે જણાવ્યું હતું કે દલાલ પંકજ રાવળ દુબઈથી ખૂબ સસ્તા ભાવે આઈફોન લાવે છે. આરોપીઓએ ફરિયાદી પાસેથી માત્ર ₹60,000 પ્રતિ ફોન લેખે એડવાન્સ લઈ શરૂઆતમાં બે 'iPhone 17 Pro Max' સમયસર પહોંચાડી દીધા હતા. આથી ફરિયાદીનો તેમના પર સંપૂર્ણ વિશ્વાસ બેસી ગયો હતો.

વિશ્વાસ જીત્યા બાદ આરોપીઓએ અન્ય ગ્રાહકો લાવવા લાલચ આપી હતી. જેથી ફરિયાદીએ પોતાના પરિચિતો પાસેથી રૂપિયા એકઠા કરી 36 નંગ સેમસંગ-આઈફોન મેળવવા માટે રોકડા ₹15 લાખ તથા ઓનલાઈન ₹10.83 લાખ મળી કુલ ₹25.83 લાખ આરોપીઓને ચૂકવ્યા હતા. જોકે, પૈસા લીધા બાદ આરોપીઓએ માત્ર 13 ફોન આપ્યા હતા અને બાકીના 23 ફોન કે ₹15.68 લાખની રકમ પરત આપી નહોતી. આખરે, ફરિયાદીની ફરિયાદના આધારે પોલીસે ગુનો નોંધી વધુ તપાસ હાથ ધરી છે.
📲Get App