🔥 TRENDING Jharkhand Police Portal Crash Forces R... 92-Year-Old Woman Escapes Nursing Home... TPCC chief accuses BRS of betraying Te... Morning haze lingers in Hyderabad as r... New predatory aquatic insect species i... Cyclone Akvan Forces Cancellation of 4...
20 Nov 2026•
ગુજરાતી मराठी ਪੰਜਾਬੀ বাংলা
Local

ઓડદર: શ્વાન ખસીકરણમાં બેદરકારી, એક પાંજરામાં 3-4 શ્વાન ભરાયા

✍️ Reporter: VIKRAM PATA 🗓 22 Oct 2026, 12:40 PM 👁 103
Share: 💬 WhatsApp 📘 Facebook 𝕏 Post

ઓડદર ખાતે યોજાયેલ શ્વાન ખસીકરણ (ABC) કાર્યક્રમમાં ઘોર બેદરકારી સામે આવી છે. એક જ પાંજરામાં 3 થી 4 શ્વાનને રાખવામાં આવ્યા હતા અને પીવાના પાણીની પણ વ્યવસ્થા નહોતી.

ઓડદર ખાતે યોજાયેલ શ્વાન ખસીકરણ (ABC) કાર્યક્રમમાં વહીવટીતંત્રની ઘોર બેદરકારી સામે આવી છે. પ્રાપ્ત માહિતી અનુસાર, ખસીકરણ બાદ શ્વાનોને જે પાંજરામાં રાખવામાં આવ્યા હતા તેમાં એક પાંજરામાં 3 થી 4 શ્વાનોને ભરી દેવામાં આવ્યા હતા, જે એનિમલ બર્થ કંટ્રોલ (ABC) ના નિયમોનું સ્પષ્ટ ઉલ્લંઘન છે.

આ ઉપરાંત, તમામ શ્વાનો બેભાન અવસ્થામાં જોવા મળ્યા હતા. પાંજરાની અંદર પીવાના પાણીની કોઈ વ્યવસ્થા કરવામાં આવી નહોતી, જેના કારણે શ્વાનોની હાલત કફોડી બની હતી. આ પ્રકારની બેદરકારી પશુઓના સ્વાસ્થ્ય અને સુરક્ષા સામે ગંભીર પ્રશ્નો ઉભા કરે છે.

ખસીકરણ કાર્યક્રમનો મુખ્ય ઉદ્દેશ્ય રખડતા શ્વાનોની વસ્તી નિયંત્રણ અને તેમના સ્વાસ્થ્યની કાળજી રાખવાનો છે. પરંતુ, ઓડદર ખાતે જોવા મળેલ આ દ્રશ્યો કાર્યક્રમના મૂળ હેતુને જ નિષ્ફળ બનાવતા જણાય છે. આ મામલે સંબંધિત અધિકારીઓ દ્વારા યોગ્ય કાર્યવાહી કરવામાં આવે તેવી લોક માંગ ઉઠી રહી છે.
કાયદેસર નિયમ પ્રમાણે એક પિંજરામાં એક જ શ્વાન ને રસીકરણ અને ખસીકરણ કરી શકે છે એના બદલા માં આ લોકો એક પીંજરા માં ત્રણ ચાર શ્વાન ને પૂરે છે તો આમ જવાબદાર અધિકારીએ એ કડક માં કડક પગલા લેવા જોઈએ એવી પશુ પ્રેમીઓ ની માંગ છે.
📲Get App