🔥 ट्रेंडिंग उसेंडीपारा में संकुल स्तरीय बाल क्रीड़... राहुल गांधी ने पाकिस्तान के नागरिक की... जाबलपुर में तीन अफ़ग़ान नागरिकों पर नक... एयरब ने राजस्थान में RAPP-8 रिएक्टर के... विशाल भारद्वाज ने कहा, आर्यन खान शाहरु... सलमान खान ने माट्रुबूमी के 'मदरपान' गी...
20 नव. 2026•
ગુજરાતી मराठी ਪੰਜਾਬੀ বাংলা
સુરતમાં ચિંતામણી એપાર્ટમેન્ટનો દાદર ધરાશાયી: 28 રહીશોને ફાયર વિભાગે સુરક્ષિત રીતે બહાર કાઢ્યા
स्थानीय

સુરતમાં ચિંતામણી એપાર્ટમેન્ટનો દાદર ધરાશાયી: 28 રહીશોને ફાયર વિભાગે સુરક્ષિત રીતે બહાર કાઢ્યા

✍️ रिपोर्टर: Maheta Dhavalkumar Jitendrabhai 🗓 26 सित. 2026, 09:54 AM 👁 84
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

સુરતના કતારગામ વિસ્તારમાં એક એપાર્ટમેન્ટનો દાદર અચાનક ધરાશાયી થતાં 28 રહીશો ફસાઈ ગયા હતા. ફાયર વિભાગે સમયસર પહોંચી તમામને સુરક્ષિત રીતે બહાર કાઢી મોટી દુર્ઘટના ટાળી.

સુરતના કતારગામ વિસ્તારમાં આવેલ લિંબાચિયા ફળિયા ખાતેના ચિંતામણી એપાર્ટમેન્ટના ‘B’ વિંગનો દાદર અચાનક ધરાશાયી થતાં બિલ્ડિંગમાં રહેતા લોકોમાં ભારે ભય અને નાસભાગ મચી ગઈ હતી. આ દુર્ઘટનામાં સીડી તૂટી પડવાને કારણે ઉપરના માળે રહેતા અંદાજે 28 જેટલા રહીશો ફસાઈ ગયા હતા. જોકે, સુરત ફાયર બ્રિગેડની સમયસર કાર્યવાહીને કારણે તમામને હેમખેમ બહાર કાઢી લેવામાં આવતાં મોટી હોનારત ટળી હતી.

આ ઘટના અંગે સુરત મહાનગરપાલિકાના ફાયર કંટ્રોલ રૂમને સાંજે 07:52 કલાકે ઈમરજન્સી કોલ મળ્યો હતો. કોલ મળતાં જ કતારગામ અને ડભોલી ફાયર સ્ટેશનની ટીમો તાત્કાલિક રેસ્ક્યુ વાહનો અને જરૂરી સાધન-સામગ્રી સાથે ઘટનાસ્થળે પહોંચી ગઈ હતી. ઘટનાસ્થળે પહોંચ્યા બાદ ટીમે જોયું કે દાદરનો એક ભાગ સંપૂર્ણપણે ધરાશાયી થઈ ગયો હતો, જેના કારણે ઉપરના માળેથી નીચે ઉતરવાનો માર્ગ બંધ થઈ ગયો હતો.

ફસાયેલા રહીશો જીવ બચાવવા માટે બારીઓ અને બાલ્કનીઓમાંથી મદદ માટે બૂમો પાડી રહ્યા હતા. ફાયર વિભાગની ટીમોએ પરિસ્થિતિની ગંભીરતાને ધ્યાનમાં રાખીને તાત્કાલિક રેસ્ક્યુ ઓપરેશન શરૂ કર્યું હતું. અત્યાધુનિક સાધનોનો ઉપયોગ કરીને અને યોગ્ય સુરક્ષા વ્યવસ્થા સાથે, ટીમે એક પછી એક તમામને સુરક્ષિત રીતે નીચે ઉતાર્યા હતા. આ સમગ્ર ઘટનામાં કોઈ જાનહાનિ થઈ ન હતી.
📲Get App