🔥 TRENDING Services Set to Face Nagaland in 19 No... Nagaland's Joint Sales Day Highlights... Nagaland University Hosts Internationa... Manipur Army Vehicle Crash Claims Two... Sikkim vs Manipur: Dailysports Release... Manipur HC Sets 24-Hour Deadline for P...
20 Nov 2026•
ગુજરાતી मराठी ਪੰਜਾਬੀ বাংলা
સુરતની કતારગામમાં 214 તપેલા ડાઈંગ એકમો પર કડક કાર્યવાહી
Local

સુરતની કતારગામમાં 214 તપેલા ડાઈંગ એકમો પર કડક કાર્યવાહી

✍️ Reporter: Maheta Dhavalkumar Jitendrabhai 🗓 21 Sep 2026, 11:28 PM 👁 68
Share: 💬 WhatsApp 📘 Facebook 𝕏 Post

સુરત મહાનગરપાલિકાએ કતારગામ ઝોનમાં 214 તપેલા ડાઈંગ એકમોને નોટિસ ફટકારી, જે કેમિકલયુક્ત પાણી ડ્રેનેજમાં છોડીને રસ્તાઓ પર ગંદુ પાણી ફેલાવે છે.

સુરત મહાનગરપાલિકાના કતારગામ ઝોનમાં નાની બહુચરાજી, પંડોળ સહિતના 10થી વધુ ઔદ્યોગિક વિસ્તારોમાં તપેલા ડાઈંગ એકમો કેમિકલયુક્ત પાણી સીધું ડ્રેનેજમાં છોડતા હોય છે, જેના કારણે ડ્રેનેજ લાઈનો વારંવાર ચોકઅપ થઈ જાય છે અને ગંદુ પાણી રસ્તાઓ પર ફરી વળે છે.

લોકોની સતત ફરિયાદો બાદ પાલિકાની ટીમોએ સઘન તપાસ હાથ ધરી અને કુલ 214 તપેલા ડાઈંગ એકમોને નોટિસ ફટકારી.

પરંતુ સંચાલકોએ દિવસ દરમિયાન તપાસ ટાળવા માટે એકમો બંધ રાખી અને રાત્રે 8 વાગ્યા પછી કેમિકલયુક્ત પાણી ડ્રેનેજમાં વહાવી દેવાની નવી મોડસ ઓપરેન્ડી અપનાવી લીધી.

આ ચાલાકી ધ્યાને આવતાં પાલિકા તંત્રએ પણ પોતાની વ્યૂહરચના બદલી અને દિવસની સાથોસાથ રાત્રિ દરમિયાન પણ અલગ-અલગ વિસ્તારોમાં ઓચિંતી તપાસ માટે ખાસ ટીમો તૈનાત કરી.
📲Get App