🔥 TRENDING Security Forces Uncover Maoist Arms Ca... Chhattisgarh Declared Naxal-Free, Open... Chhattisgarh Admin Promotes Senior IAS... SGPC President Election: Sukhbir Badal... BJP's Yatra Strategy Faces Scrutiny Ov... Bridge Collapses in Punjab Two Years A...
20 Nov 2026•
ગુજરાતી मराठी ਪੰਜਾਬੀ বাংলা
Local

జనగణన-2027: రెండో దశ సన్నాహకాలపై శిక్షణ కార్యక్రమం

✍️ Reporter: Burra Kirankumara 🗓 17 Oct 2026, 06:54 PM 👁 107
Share: 💬 WhatsApp 📘 Facebook 𝕏 Post

జిల్లా కలెక్టర్ ఆదేశాల మేరకు జనగణన-2027 రెండో దశ నిర్వహణకు అవసరమైన సన్నాహక పనులపై సెన్సస్ కరస్పాండెంట్లు, సాంకేతిక సహాయకులకు ప్రత్యేక శిక్షణ ఇచ్చారు. దేశాభివృద్ధికి సమగ్ర సమాచారం కీలకమని CPO M.కిష్టయ్య అన్నారు.

దేశాభివృద్ధికి సమగ్ర సమాచారంతో కూడిన గణాంకాలు కీలకమని, భవిష్యత్తు ప్రణాళికలకు అవే పునాది అని చీఫ్ ప్లానింగ్ ఆఫీసర్ (CPO) M.కిష్టయ్య అన్నారు. జిల్లా కలెక్టర్ రాహుల్ శర్మ ఆదేశాల మేరకు జనగణన-2027 రెండో దశ నిర్వహణకు అవసరమైన సన్నాహక పనులపై సెన్సస్ కరస్పాండెంట్లు, సాంకేతిక సహాయకులకు అక్టోబర్ 16, 17 తేదీల్లో కలెక్టరేట్ సమావేశ మందిరంలో రెండు రోజుల పాటు ప్రత్యేక శిక్షణ కార్యక్రమం నిర్వహించారు.

ఈ శిక్షణలో భాగంగా, జనగణనకు ముందుగా చేపట్టాల్సిన ఏర్పాట్లు, స్వీయ గణన విధానం, ప్రశ్నావళిలోని 1 నుంచి 40 వరకు ఉన్న ప్రశ్నలపై ప్రజల నుంచి నమ్మకమైన సమాచారం సేకరించే పద్ధతులపై శిక్షణార్థులకు అవగాహన కల్పించారు. సమర్థవంతమైన గణన నిర్వహణకు అవసరమైన సాంకేతిక అంశాలపై కూడా దృష్టి సారించారు.

జనగణనను సమర్థవంతంగా, క్రమబద్ధంగా నిర్వహించేందుకు అధికారులు సమన్వయంతో పనిచేయాలని, తమకు అప్పగించిన బాధ్యతలను ఎలాంటి పొరపాట్లకు తావులేకుండా నిర్వర్తించాలని కలెక్టర్ రాహుల్ శర్మ సూచించారు. ఈ ప్రక్రియలో పారదర్శకత, కచ్చితత్వం పాటించాలని ఆయన నొక్కి చెప్పారు.

ఈ శిక్షణ కార్యక్రమంలో సహాయ సెన్సస్ అధికారి M.వెంకటేశ్వర్లు, శిక్షకులు డిస్ట్రిక్ట్ ఇంచార్జ్ ఆడెపు వినయ్, జూనియర్ ఎగ్జిక్యూటివ్ బోయిని శివకుమార్, మండలాల MOSOలు, గణన టెక్నికల్ అసిస్టెంట్లు తదితరులు పాల్గొన్నారు.
📲Get App