🔥 TRENDING Bollywood Stars Share Life Lessons in... Sara Arjun Embarks on New Chapter as S... Koffee with Karan Season 9 Premieres:... Rohit Roy’s Daughter Debuts in Bollywo... Alia Bhatt Supports Deepika Padukone’s... Experts Emphasise Connectivity, Digita...
20 Nov 2026•
ગુજરાતી मराठी ਪੰਜਾਬੀ বাংলা
Agriculture

મઢી સુગર ફેક્ટરીમાં આગામી પિલાણ સીઝન 2026-27 માટે રોલર પૂજન સંપન્ન, 9 લાખ ટન શેરડીના પિલાણનો લક્ષ્યાંક

✍️ Reporter: Maheta Dhavalkumar Jitendrabhai 🗓 17 Oct 2026, 09:17 AM 👁 83
Share: 💬 WhatsApp 📘 Facebook 𝕏 Post

દક્ષિણ ગુજરાતની અગ્રણી સહકારી સંસ્થા શ્રી મઢી વિભાગ ખાંડ ઉદ્યોગ સહકારી મંડળી લિ., મઢી ખાતે આગામી પિલાણ સીઝન 2026-2027 માટે રોલર પૂજાવિધિ સંપન્ન થઈ છે. સંસ્થા દ્વારા આ સીઝનમાં 9 લાખ ટન શેરડીનું પિલાણ કરવાનો લક્ષ્યાંક રાખવામાં આવ્યો છે.

દક્ષિણ ગુજરાતની અગ્રણી સહકારી સંસ્થાઓ પૈકીની એક એવી શ્રી મઢી વિભાગ ખાંડ ઉદ્યોગ સહકારી મંડળી લિ., મઢી ખાતે આગામી પિલાણ સીઝન 2026-2027 માટેની તડામાર તૈયારીઓના ભાગરૂપે રોલર પૂજાવિધિ સંપન્ન થઈ ગઈ છે. આ પૂજનવિધિ સંસ્થાના પ્રમુખ સમીરભાઈ સી. ભક્તના વરદ્ હસ્તે વૈદિક મંત્રોચ્ચાર સાથે કરવામાં આવી હતી.

મઢી સુગર દ્વારા આગામી પિલાણ સીઝન દરમિયાન કુલ 9 લાખ ટન શેરડીનું પિલાણ કરવાનો મહત્ત્વાકાંક્ષી લક્ષ્યાંક નિર્ધારિત કરવામાં આવ્યો છે. આ વિશાળ પિલાણ લક્ષ્યાંક સાથે, મઢી સુગરે મહત્તમ ખાંડ રિકવરી મેળવવાનું આયોજન કર્યું છે. દક્ષિણ ગુજરાતમાં દર વર્ષે નવેમ્બર માસથી શરૂ થતી પિલાણ સીઝન માટે આ તૈયારીઓ કરવામાં આવી રહી છે.

આ કાર્યક્રમ પ્રસંગે સંસ્થાના બોર્ડ ઓફ ડિરેક્ટર્સ, મેનેજિંગ ડિરેક્ટર, મઢી વિભાગ ખેડૂત સંગઠનના પ્રમુખ અને ઉપ-પ્રમુખ, ટ્રક-ટ્રેક્ટર શેરડી વાહતુક સમિતિના હોદ્દેદારો તેમજ મોટી સંખ્યામાં કર્મચારીઓ અને કામદારો ઉપસ્થિત રહ્યા હતા.

સીઝન મંગલમય નીવડે તેવી શુભેચ્છા પાઠવતાં પ્રમુખ સમીર ભક્તે જણાવ્યું હતું કે, આગામી પિલાણ સીઝન સંસ્થા સાથે સંકળાયેલા તમામ સભાસદ ખેડૂતો, વાહનચાલકો અને કર્મચારીઓ માટે ફળદાયી તેમજ આર્થિક રીતે લાભદાયી સાબિત થાય તેવા સંયુક્ત પ્રયાસો હાથ ધરાશે. મઢી સુગર પિલાણ માટે સંપૂર્ણપણે સજ્જ છે.
📲Get App