🔥 TRENDING Unakoti District Launches JJM 2.0 Wate... Tripura CM attributes BJP's rising pop... India's First Organized Donkey Farm La... Himachal Pradesh Introduces Bill to Si... Himachal Pradesh to levy environmental... 12 killed in two separate road crashes...
20 Nov 2026•
ગુજરાતી मराठी ਪੰਜਾਬੀ বাংলা
Entertainment

ગરબા કલાકાર ત્વિષા કિલ્લોલકુમાર વ્યાસને ઉસ્તાદ બિસ્મિલ્લાહ ખાન રાષ્ટ્રીય યુવા પુરસ્કાર–2025થી નવાજવામાં આવ્યા

✍️ Reporter: Maheta Dhavalkumar Jitendrabhai 🗓 22 Oct 2026, 09:07 PM 👁 84
Share: 💬 WhatsApp 📘 Facebook 𝕏 Post

બારડોલીની જાણીતી લોકનૃત્ય કલાકાર ત્વિષા કિલ્લોલકુમાર વ્યાસને 19 ઓક્ટોબર 2026 ના રોજ નવી દિલ્હી માં યોજાયેલા સમારોહમાં દેશનું પ્રતિષ્ઠિત ઉસ્તાદ બિસ્મિલ્લાહ ખાન રાષ્ટ્રીય યુવા પુરસ્કાર–2025 પ્રાપ્ત થયો.

ભારત સરકારના સંસ્કૃતિ મંત્રાલય હેઠળ કાર્યરત સંગીત નાટક અકાદમી દ્વારા આયોજિત વિશેષ સન્માન સમારોહ 19 ઓક્ટોબર 2026 ના રોજ નવી દિલ્હી ના રવિન્દ્ર ભવન ખાતે યોજાયો. કેન્દ્રિય સંસ્કૃતિ અને પર્યટન મંત્રી ગજેન્દ્રસિંહ શેખાવતના વરદહસ્તે બારડોલીની લોકનૃત્ય કલાકાર ત્વિષા કિલ્લોલકુમાર વ્યાસને ઉસ્તાદ બિસ્મિલ્લાહ ખાન રાષ્ટ્રીય યુવા પુરસ્કાર–2025 એનાયત કર્યો.

સમારોહમાં સંગીત નાટક અકાદમીનાં અધ્યક્ષ ડૉ. સંધ્યા પુરેચા, સચિવ રાજુ દાસ અને દેશભરના અનેક મૂર્ધન્ય કલાકારો અને મહાનુભાવો ઉપસ્થિત રહ્યા. આ ઉપસ્થિતિએ સમારોહની મહત્વતા અને ત્વિષા વ્યાસની કળા પ્રત્યેની પ્રશંસા દર્શાવી.

ત્વિષા કિલ્લોલકુમાર વ્યાસ 20 વર્ષથી નૃત્ય અને સંગીત ક્ષેત્રમાં સક્રિય છે. તેઓ માત્ર લોકનૃત્ય કલાકાર જ નહીં, ઉત્કૃષ્ટ વાયોલિનવાદક, કોરિયોગ્રાફર અને નૃત્યશિક્ષક તરીકે પણ જાણીતા છે. તેમની કલાસાધનાએ ગુજરાતી લોકનૃત્ય, પ્રાચીન-અર્વાચીન ગરબા અને શાસ્ત્રીય નૃત્યની સમૃદ્ધિમાં યોગદાન આપ્યું છે.

આ કલાકાર નવી પેઢીને ગુજરાતી લોકનૃત્ય અને ગરબા તાલીમ આપીને ભારતીય સંસ્કૃતિનું સંવર્ધન કરે છે. તેમની આ યોગદાનને દેશભરના સંસ્કૃતિ પ્રોત્સાહનકારો દ્વારા ઊંચી કદર મળી રહી છે.
📲Get App