🔥 TRENDING Unakoti District Launches JJM 2.0 Wate... Tripura CM attributes BJP's rising pop... India's First Organized Donkey Farm La... Himachal Pradesh Introduces Bill to Si... Himachal Pradesh to levy environmental... 12 killed in two separate road crashes...
20 Nov 2026•
ગુજરાતી मराठी ਪੰਜਾਬੀ বাংলা
Crime

સુરતના સિંગણપોરમાં ભંગારના ગોડાઉનમાં ભીષણ આગ, ધુમાડો 2 કિમી દૂરથી દેખાયો

✍️ Reporter: Maheta Dhavalkumar Jitendrabhai 🗓 22 Oct 2026, 04:58 PM 👁 73
Share: 💬 WhatsApp 📘 Facebook 𝕏 Post

સુરતના સિંગણપોર વિસ્તારમાં ભંગારના ગોડાઉનમાં ફાટેલી આગને ફાયર બ્રિગેડે એક કલાકમાં કાબૂમાં લીધું હતું, જ્યારે ધુમાડો બે કિલોમીટર દૂરથી પણ સ્પષ્ટ દેખાઈ રહ્યો હતો.

સુરતના સિંગણપોર વિસ્તારમાં આવેલા ભરીમાતા રોડ પર એક ભંગારના ગોડાઉનમાં અચાનક ભીષણ આગ ફાટી નીકળી હતી. આ ઘટનાને કારણે સમગ્ર વિસ્તારમાં ભારે અફરાતફરી મચી ગઈ હતી. આગ એટલી વિકરાળ હતી કે તેના ધુમાડાના કાળા ડિબાંગ ગોટેગોટા બે કિલોમીટર દૂરથી પણ આકાશમાં સ્પષ્ટ નજરે પડતા હતા.

બનાવની જાણ થતાં જ ફાયર વિભાગનો મોટો કાફલો ઘટનાસ્થળે દોડી ગયો હતો. આગ દરમિયાન ધડાકાઓ થતા હોવાથી વિસ્તારમાં ભયનો માહોલ સર્જાયો હતો. અવારનવા થતા ધડાકાઓને કારણે લોકોમાં હોબાળો મચી ગયો હતો.

ફાયર બ્રિગેડની ટીમે ચારેય તરફથી પાણીનો મારો ચલાવી આગને વધુ પ્રસરવાથી રોકી હતી. ટીમે મહેનત કરીને માત્ર એક કલાકમાં જ આગ પર કાબૂ મેળવ્યો હતો. આ ઘટનામાં કોઈ જાનહાનિ થઈ હોવાની માહિતી મળી નથી.
📲Get App