🔥 TRENDING स्थानीय क्रिकेट टूर्नामेंट सुबह 8 बजे... मुख्यमंत्री डॉ. मोहन यादव का रीवा हवाई... ગેનીબેન ઠાકોરના જન્મદિવસ પર કોંગ્રેસની... प्रधानमंत्री मोदी के राजापाकर कार्यक्र... સાવધાન રાજકોટ 🏛️ ગ્રામ વિકાસની દિશામાં વધુ એક સુવિધા...
19 Nov 2026•
ગુજરાતી मराठी ਪੰਜਾਬੀ বাংলা
Crime

અમદાવાદના ઘુમા વિસ્તારમાં એક્ટિવા ચોરીની ઘટના, અજાણ્યા શખ્સે 2 મિનિટમાં ખોલી લોક

✍️ Reporter: Ranjanben Dharmendrbhai Panchal 🗓 19 Oct 2026, 04:38 PM 👁 111
Share: 💬 WhatsApp 📘 Facebook 𝕏 Post

અમદાવાદના ઘુમા વિસ્તારમાં રહેતા એક યુવકનું એક્ટિવા પ્રહલાદનગર કોર્પોરેટ રોડ પરથી ચોરી થઈ ગયું છે. અજાણ્યા શખ્સે માત્ર અઢી મિનિટમાં વાહનની લોક ખોલીને તેને લઈ જતાં આનંદનગર પોલીસે તપાસ શરૂ કરી છે.

અમદાવાદ શહેરના ઘુમા વિસ્તારમાં રહેતા એક યુવકનું એક્ટિવા વાહન પ્રહલાદનગર કોર્પોરેટ રોડ પરથી ચોરી થઈ હોવાની ઘટના સામે આવી છે. પ્રાપ્ત માહિતી અનુસાર, યુવકે અર્થ બંગલોઝ પાસે પોતાનું એક્ટિવા પાર્ક કરીને કામ અર્થે બહાર જતાં આ ચોરીની ઘટના બની હતી.

પોલીસ પ્રાપ્ત વિગતો મુજબ, યુવક પાર્ક કરીને ગયા બાદ એક અજાણ્યો શખ્સ ત્યાં પહોંચ્યો હતો. આ શખ્સે એક્ટિવા પર બેસીને આસપાસ નજર ફેરવી અને માત્ર અઢી મિનિટના ટૂંકા સમયમાં જ વાહનની લોક ખોલી નાખી હતી. લોક ખોલ્યા બાદ ચોરે એક્ટિવા લઈને ઝડપથી ફરાર થઈ જતાં ઘટનાના દ્રશ્યો સીસીટીવી કેમેરામાં કેદ થયા હતા.

વાહન ચોરીના આ દ્રશ્યો સામે આવ્યા બાદ આનંદનગર પોલીસે તાત્કાલિક પ્રતિક્રિયા આપી છે. પોલીસ દ્વારા સીસીટીવી ફૂટેજના આધારે અજાણ્યા ચોરને ઝડપી પાડવા માટે ચક્રો ગતિમાન કરવામાં આવ્યા છે અને તપાસ હાથ ધરવામાં આવી છે.
📲Get App