🔥 TRENDING Film Production Begins in Flatonia, Fa... Tongsum Tourism Festival Highlights Da... Sikkim Selects 23-Member Team for Nati... Sikkim Governor Reviews Development Pr... Bengal to Face Mizoram in 20 November... 17 Mizoram firms awarded green certifi...
20 Nov 2026•
ગુજરાતી मराठी ਪੰਜਾਬੀ বাংলা
Local

લીલીયા મોટાની 1985 બેચનું ભવ્ય સ્નેહમિલન શ્યામવાડીમાં

✍️ Reporter: Hanif Katiyar 🗓 16 Nov 2026, 10:07 PM 👁 55
Share: 💬 WhatsApp 📘 Facebook 𝕏 Post

દિવાળીની પર્વ પર લીલીયા મોટાના 1985 બેચના ભૂતપૂર્વ વિદ્યાર્થીઓનું શ્યામવાડી ખાતે ભવ્ય સ્નેહમિલન યોજાયું, જ્યાં જૂના મિત્રો ફરી મળ્યા અને સંગીત, રમતો અને ભોજન સાથે યાદોને તાજી કરી.

દિવાળીના પર્વ નિમિત્તે લીલીયા મોટાના 1985ની બેચના ભૂતપૂર્વ વિદ્યાર્થીઓનું શ્યામવાડી ખાતે ભવ્ય સ્નેહમિલન યોજાયું હતું. શ્રી અમૃતબા વિદ્યાલયમાં સાથે ભણેલા મિત્રો વર્ષો બાદ એક જ મંચ પર મળ્યા ત્યારે જાણે સમયનું ચક્ર ફરી વિદ્યાર્થીકાળમાં પહોંચી ગયું હોય તેવો માહોલ સર્જાયો હતો.

વિદેશથી લઈને મુંબઈ અને સુરત જેવા શહેરોમાં વસતા મિત્રો પણ ખાસ વતનના આંગણે આવી પહોંચ્યા હતા. પરિવારજનો અને ધર્મપત્નીઓ સાથે ઉપસ્થિત મિત્રોએ જૂની યાદો વાગોળી, સુખ-દુઃખની વાતો કરી અને મિત્રતાના સંબંધોને ફરી એકવાર જીવંત બનાવ્યા હતા.


ડોક્ટરો, સરકારી અધિકારીઓ અને વેપારી જગત સાથે જોડાયેલા મિત્રોએ પોતાના જીવનના અનુભવો પણ એકબીજા સાથે શેર કર્યા હતા.

ખરેખર, વર્ષો વીતી જાય, ઉંમર બદલાઈ જાય, જીવનની જવાબદારીઓ વધી જાય... પરંતુ શાળાના મિત્રો સાથે વિતાવેલી પળો ક્યારેય જૂની થતી નથી!
📲Get App