🔥 TRENDING Pakistan Minister to Visit India for S... Foreign Policy Publishes Questioning A... Panchayat Season 5 Set to Launch: Wher... Bhojpuri Star Khesari Lal Yadav Says H... Prime Video to Stream 'Vvaan', a Fanta... The Times of India Releases Official T...
20 Nov 2026•
ગુજરાતી मराठी ਪੰਜਾਬੀ বাংলা
બિલવાણ ગામ બન્યું શિક્ષણનું હબ: 1500થી વધુ વિદ્યાર્થીઓ મેળવી રહ્યા છે ઉચ્ચ શિક્ષણ
Education

બિલવાણ ગામ બન્યું શિક્ષણનું હબ: 1500થી વધુ વિદ્યાર્થીઓ મેળવી રહ્યા છે ઉચ્ચ શિક્ષણ

✍️ Reporter: Maheta Dhavalkumar Jitendrabhai 🗓 28 Sep 2026, 12:02 PM 👁 79
Watch on: ▶️ YouTube
Share: 💬 WhatsApp 📘 Facebook 𝕏 Post

સુરત જિલ્લાના ઉમરપાડા તાલુકાના બિલવાણ ગામમાં વિવિધ શૈક્ષણિક સંસ્થાઓના નિર્માણથી શિક્ષણનું હબ બન્યું છે, જ્યાં 1500થી વધુ વિદ્યાર્થીઓ અભ્યાસ કરી રહ્યા છે.

સુરત જિલ્લાના અંતરિયાળ વિસ્તારમાં આવેલું ઉમરપાડા તાલુકાનું બિલવાણ ગામ હવે શિક્ષણનું મહત્વનું કેન્દ્ર બની રહ્યું છે. સુરત શહેરથી 120 કિલોમીટર અને તાલુકા મથકથી માત્ર 12 કિલોમીટર દૂર આવેલું આ ગામ શૈક્ષણિક સંસ્થાઓના નિર્માણને કારણે નવી ઓળખ મેળવી રહ્યું છે.

ધારાસભ્ય ગણપતસિંહ વસાવાના પ્રયાસોથી ગામમાં આદર્શ નિવાસી શાળા, એકલવ્ય મોડેલ સ્કૂલ, ઉત્તર બુનિયાદી આશ્રમશાળા, કસ્તુરબા ગાંધી બાલિકા વિદ્યાલય (KGBV) અને બે ઉચ્ચતર પ્રાથમિક શાળાઓ (ધોરણ 1 થી 8) કાર્યરત છે. આ તમામ સંસ્થાઓમાં કુલ 1500થી વધુ વિદ્યાર્થીઓ અભ્યાસ કરી રહ્યા છે.

વિવિધ પ્રકારની શૈક્ષણિક સંસ્થાઓ એક જ ગામમાં ઉપલબ્ધ હોવાથી વિદ્યાર્થીઓને ઉચ્ચ શિક્ષણ માટે શહેરો તરફ જવું પડતું નથી. શિક્ષણની સાથે સાથે વિદ્યાર્થીઓના સર્વાંગી વિકાસને ધ્યાનમાં રાખીને રમતગમતની સુવિધાઓ પણ પૂરી પાડવામાં આવી છે.

રમતગમતના મેદાનમાં વિદ્યાર્થીઓ કબડ્ડી, ખો-ખો, દોડ, ઊંચી કૂદ અને લાંબી કૂદ જેવી રમતોમાં ઉત્સાહપૂર્વક ભાગ લઈ સફળતા મેળવી રહ્યા છે. આનાથી બિલવાણના વિદ્યાર્થીઓએ રમતગમત ક્ષેત્રે પણ પોતાની આગવી ઓળખ ઊભી કરી છે.
📲Get App