🔥 TRENDING विष्णु धाम महोत्सव की तैयारियों का डीए... गुरवा चौक में बिना नंबर प्लेट गाड़ी से... তৃণমূল পন্থী মনোভাব বিজেপি কর্মীরা ২০০... UP Congress In‑Charge Says SP Alliance... Taj Mahal Urs Committee Demands Action... Woman and Two Daughters Perish in Hous...
19 Nov 2026•
ગુજરાતી मराठी ਪੰਜਾਬੀ বাংলা

டிசம்பர் 15 முதல் வாகனக் காப்பீட்டில் புதிய விதிமுறை! கார், பைக் உரிமையாளர்கள் கவனத்திற்கு!

✍️ Reporter: Musthafa Hussain 🗓 04 Nov 2026, 08:49 PM 👁 82
Share: 💬 WhatsApp 📘 Facebook 𝕏 Post

டிசம்பர் 15 முதல் வாகனக் காப்பீட்டில் புதிய விதிமுறை! கார், பைக் உரிமையாளர்கள் கவனத்திற்கு!

வாகனக் காப்பீடு எடுப்பவர்களுக்கு முக்கிய அறிவிப்பை வெளியிட்டுள்ளது இந்திய காப்பீட்டு ஒழுங்குமுறை மற்றும் மேம்பாட்டு ஆணையமான IRDAI.
2026 டிசம்பர் 15 முதல் தனியார் கார்கள் மற்றும் இருசக்கர வாகனங்களுக்கான காப்பீட்டில் நான்கு பிரிவுகளைக் கொண்ட புதிய நடைமுறை அமலுக்கு வருகிறது.
இதன்படி வாகனக் காப்பீடு நான்கு பிரிவுகளாகப் பிரிக்கப்படுகிறது.
முதலாவதாக, மூன்றாம் நபர் காப்பீடு தொடர்ந்து கட்டாயமாக இருக்கும்.
இரண்டாவதாக, காரில் பயணம் செய்பவர்கள் மற்றும் இருசக்கர வாகனத்தில் பின்னால் அமர்ந்து செல்பவர்களுக்கான கூடுதல் காப்பீட்டை விருப்பத்தின் அடிப்படையில் பெற்றுக்கொள்ளலாம்.
மூன்றாவதாக, வாகன உரிமையாளர் ஓட்டுநருக்கான தனிநபர் விபத்துக் காப்பீடு கட்டாயமாகத் தொடரும்.
நான்காவதாக, சொந்த வாகனத்திற்கு ஏற்படும் சேதங்களுக்கான காப்பீட்டை விருப்பத்தின் அடிப்படையில் தேர்வு செய்யலாம்.
மேலும், இனிமேல் ஒவ்வொரு காப்பீட்டிற்கும் தனித்தனியாக பிரீமியம் தொகை குறிப்பிடப்பட வேண்டும் என்றும், வாடிக்கையாளர்களிடம் காப்பீட்டுத் தேர்வு படிவம் பெறப்பட வேண்டும் என்றும் IRDAI அறிவுறுத்தியுள்ளது.
ஏற்கெனவே மூன்றாம் நபர் காப்பீடு வைத்திருப்பவர்களும் கூடுதல் பிரீமியம் செலுத்தி பயணிகளுக்கான காப்பீட்டைச் சேர்த்துக்கொள்ள முடியும்.
இந்த புதிய நடைமுறை 2026 டிசம்பர் 15 முதல் அமலுக்கு வருகிறது.
எனவே கார் மற்றும் இருசக்கர வாகன உரிமையாளர்கள் தங்களுடைய அடுத்த காப்பீட்டைப் புதுப்பிக்கும்போது இந்த புதிய விதிமுறைகளைத் தெரிந்துகொண்டு காப்பீட்டைத் தேர்வு செய்ய வேண்டும்.
📲Get App