🔥 TRENDING Gujarat's new waste-to-energy policy o... Thieves steal Rs 1.25 crore of jewelle... Balaghat Air Hostess Murder Case: Vide... ଭୁବନେଶ୍ୱରରେ ଆଗାମୀ ୩ ଘଣ୍ଟାରେ ବର୍ଷା ଏବଂ... West Bengal Board Announces HS 3rd Sem... পিয়ালি রাশ ও গ্রামীন মেলা প্রশাসনিক স...
20 Nov 2026•
ગુજરાતી मराठी ਪੰਜਾਬੀ বাংলা
સુરતના ગોડાદરામાં પોલીસે ધાબા પરથી કૂદી પડવાના પ્રયાસ કરતી 14 વર્ષીય કિશોરીને બચાવી લીધી
Crime

સુરતના ગોડાદરામાં પોલીસે ધાબા પરથી કૂદી પડવાના પ્રયાસ કરતી 14 વર્ષીય કિશોરીને બચાવી લીધી

✍️ Reporter: Maheta Dhavalkumar Jitendrabhai 🗓 13 Sep 2026, 06:20 PM 👁 98
Watch on: ▶️ YouTube
Share: 💬 WhatsApp 📘 Facebook 𝕏 Post

સામાન્ય બાબતમાં માતાની ઠપકા બાદ ગોડાદરામાં રહેતી 14 વર્ષીય કિશોરીએ ઘરના ધાબા પરથી આત્મહત્યાનો પ્રયાસ કર્યો હતો, પરંતુ સમયસૂચક પોલીસે તેને હાથ પકડી બચાવી લીધી.

સુરતના ગોડાદરા વિસ્તારમાં રહેતી 14 વર્ષીય કિશોરીએ ઘરના ધાબા પરથી આત્મહત્યાનો પ્રયાસ કર્યો હતો, જેમાં પોલીસે સમયસૂચકતા બતાવીને તેને બચાવી લીધી છે. ઘટનાની વિગત મુજબ, સામાન્ય બાબતમાં માતાએ કિશોરીને ઠપકો આપતાં તે ઘરના ધાબા પર પહોંચી ગઈ હતી અને સીડી કેબીનનો દરવાજો બંધ કરી દીધો હતો. આ સમયે માતાએ તાત્કાલિક પોલીસને જાણ કરી હતી.

પોલીસ ઘટનાસ્થળે પહોંચીને કિશોરી સાથે શાંતિથી વાતચીત ચાલુ રાખી હતી. આ દરમિયાન, એક પોલીસકર્મીએ બાજુના ઘરની અગાશીમાંથી દીવાલ ટપાવીને કિશોરીની નજીક પહોંચવાનો પ્રયાસ કર્યો હતો. જોકે, પોલીસકર્મીને જોતાં જ કિશોરીએ ગભરાઈને દીવાલ પરથી કૂદકો મારવાનો પ્રયાસ કર્યો હતો.

આ ઘટનાક્રમમાં, પોલીસકર્મીએ તરત જ હાથ લંબાવીને કિશોરીને પકડી લીધો હતો. આ સમયે જ અન્ય પોલીસકર્મીઓ પણ ઘટનાસ્થળે પહોંચી ગયા હતા અને તમામે મળીને કિશોરીને સુરક્ષિત રીતે બચાવી લીધી હતી. આ ઘટના બાદ કિશોરીને સુરક્ષિત રીતે પોલીસ સ્ટેશન લાવામાં આવ્યા છે.
📲Get App