🔥 TRENDING Rahul Gandhi Responds to Pakistani Nat... Three Afghan Nationals Arrested in Jab... AERB Grants First Criticality Approach... Vishal Bhardwaj Says Aryan Khan Is Dis... Salman Khan Performs with Battalion in... Ramayana Breaks Record: Fastest Indian...
20 Nov 2026•
ગુજરાતી मराठी ਪੰਜਾਬੀ বাংলা
વિજપડી ગામે યોજાયેલ નેત્ર નિદાન કેમ્પમાં 135 દર્દીઓની તપાસ, 36ને મોતિયાના ઓપરેશન માટે પસંદ કરાયા
Health

વિજપડી ગામે યોજાયેલ નેત્ર નિદાન કેમ્પમાં 135 દર્દીઓની તપાસ, 36ને મોતિયાના ઓપરેશન માટે પસંદ કરાયા

✍️ Reporter: Rangpara Shaileshbhai 🗓 30 Sep 2026, 10:20 AM 👁 84
Watch on: ▶️ YouTube
Share: 💬 WhatsApp 📘 Facebook 𝕏 Post

સાવરકુંડલા તાલુકાના વિજપડી ગામે યોજાયેલ નેત્ર નિદાન કેમ્પમાં આસપાસના 15 ગામોના 135 જરૂરિયાતમંદ દર્દીઓએ લાભ લીધો હતો, જેમાંથી 36 દર્દીઓને મોતિયાના ઓપરેશન માટે પસંદ કરવામાં આવ્યા.

સાવરકુંડલા તાલુકાના વિજપડી ગામે આહીર સમાજ વાડી ખાતે અંબુજા ફાઉન્ડેશન, રણછોડદાસજીબાપુ ચેરિટેબલ હોસ્પિટલ-રાજકોટ અને માધવ સેવા ટ્રસ્ટના સંયુક્ત ઉપક્રમે એક નિ:શુલ્ક નેત્ર નિદાન તથા નેત્રમણિ આરોપણ કેમ્પનું આયોજન કરવામાં આવ્યું હતું.

આ કેમ્પનો લાભ લેવા માટે આસપાસના 15 ગામોમાંથી મોટી સંખ્યામાં જરૂરિયાતમંદ દર્દીઓ ઉમટી પડ્યા હતા. રાજકોટથી આવેલી નિષ્ણાંત તબીબોની ટીમે કુલ 135 દર્દીઓની આંખોની તપાસ કરી હતી. આ તપાસ દરમિયાન, 36 દર્દીઓને મોતિયાના ઓપરેશનની જરૂર હોવાનું નિદાન થયું હતું અને તેમને ઓપરેશન માટે પસંદ કરવામાં આવ્યા હતા.

પસંદગી પામેલા 36 દર્દીઓને સંસ્થા દ્વારા વ્યવસ્થા કરવામાં આવેલી બસ મારફતે રાજકોટ લઈ જવામાં આવ્યા હતા. રાજકોટ ખાતે તેમના મોતિયાના ઓપરેશન, ત્યાં રહેવા-જમવાની તમામ વ્યવસ્થા સંપૂર્ણપણે નિ:શુલ્ક રાખવામાં આવી હતી. અંબુજા ફાઉન્ડેશન દ્વારા કેમ્પ દરમિયાન દર્દીઓ માટે નાસ્તા અને ભોજનની પણ ઉત્તમ વ્યવસ્થા કરવામાં આવી હતી.

માધવ સેવા ટ્રસ્ટ દ્વારા આયોજિત આ 13મો નેત્ર નિદાન કેમ્પ હતો. આ સેવા યજ્ઞમાં ટ્રસ્ટના ભાવેશભાઈ લાદુમોર સહિતના અનેક સેવાભાવીઓ તથા ગામના આગેવાનોએ ઉપસ્થિત રહી પોતાની સેવા આપી હતી અને કેમ્પને સફળ બનાવવામાં યોગદાન આપ્યું હતું.
📲Get App