🔥 TRENDING Pakistan Minister to Visit India for S... Foreign Policy Publishes Questioning A... Panchayat Season 5 Set to Launch: Wher... Bhojpuri Star Khesari Lal Yadav Says H... Prime Video to Stream 'Vvaan', a Fanta... The Times of India Releases Official T...
20 Nov 2026•
ગુજરાતી मराठी ਪੰਜਾਬੀ বাংলা
કેદારનાથમાં ફસાયેલા સુરતના 11 યાત્રાળુઓને તાત્કાલિક મદદની અપીલ
Local

કેદારનાથમાં ફસાયેલા સુરતના 11 યાત્રાળુઓને તાત્કાલિક મદદની અપીલ

✍️ Reporter: Maheta Dhavalkumar Jitendrabhai 🗓 28 Sep 2026, 11:54 AM 👁 80
Watch on: ▶️ YouTube
Share: 💬 WhatsApp 📘 Facebook 𝕏 Post

ઉત્તરાખંડમાં સતત વરસાદને કારણે કેદારનાથ યાત્રા પર ગયેલા સુરતના 14 લોકોના ગ્રુપ પૈકી 11 યાત્રાળુઓ હજુ પણ ફસાયેલા છે. સ્થાનિક પ્રશાસન દ્વારા 3 લોકોનું રેસ્ક્યુ કરાયું છે, જ્યારે બાકીના લોકો મદદ માટે સરકારને અપીલ કરી રહ્યા છે.

ઉત્તરાખંડમાં કેદારનાથ યાત્રા દરમિયાન સતત વરસી રહેલા વરસાદના કારણે સુરતથી દર્શનાર્થે ગયેલા શ્રદ્ધાળુઓ મુશ્કેલીમાં મુકાયા છે. અલથાણ વિસ્તારના 14 લોકોનું એક ગ્રુપ બાબા કેદારના દર્શન માટે ગયું હતું, જ્યાં ખરાબ હવામાનના કારણે તેઓ ફસાઈ ગયા છે.

હાલમાં, સ્થાનિક પ્રશાસન દ્વારા હેલિકોપ્ટરની મદદથી 3 યાત્રાળુઓને સુરક્ષિત રીતે બહાર કાઢી લેવામાં આવ્યા છે. જોકે, ગ્રુપના બાકીના 11 સભ્યો હજુ પણ કેદારનાથમાં ફસાયેલા છે અને તેમને કોઈ યોગ્ય સહકાર મળી રહ્યો નથી. આ યાત્રાળુઓએ સરકારને તાત્કાલિક દરમિયાનગીરી કરવા અને તેમને સુરક્ષિત રીતે ઘરે પરત મોકલવા માટે અપીલ કરી છે.

આ મુશ્કેલ પરિસ્થિતિ વચ્ચે, અલથાણના રંજનબેન પંચાલે એક ભાવુક વીડિયો શેર કર્યો છે. વીડિયોમાં તેઓ રડતાં-રડતાં ગુજરાત સરકારને મદદ માટે અપીલ કરી રહ્યા છે. તેમણે જણાવ્યું કે, 'અમે પરમ દિવસથી અહીં ફસાયેલા છીએ. સતત વરસાદના કારણે અમારી સ્થિતિ ખૂબ જ ખરાબ છે. અમારા ગ્રુપમાં ઘણા લોકો છે, કૃપા કરીને અમને અહીંથી સુરક્ષિત રીતે અમારા ઘરે પહોંચાડવામાં મદદ કરો.'
📲Get App