🔥 TRENDING ସିକ୍ଲୋନ୍‌ ଅକ୍ୱାନ୍‌ ପାଇଁ ଓଡିଶା ମୁଖ୍ୟମନ୍... Karnataka Holds 51% Share of India's G... Karnataka releases February 2027 First... Siddaramaiah Says He Was Seated in 5th... Suspense Lingers Over Rajasthan Cricke... Rajasthan's Dakshina Joshi Qualifies f...
20 Nov 2026•
ગુજરાતી मराठी ਪੰਜਾਬੀ বাংলা
Local

ಬೀದರ್‌ನಲ್ಲಿ ಇಂದಿರಾ ಗಾಂಧಿ 109ನೇ ಜಯಂತಿ: ಕೈಗಾರಿಕಾ ಪ್ರದೇಶಗಳ ಮಂಜೂರಾತಿ ನೆನಪಿನೊಂದಿಗೆ

✍️ Reporter: Basavaraj pujari 🗓 19 Nov 2026, 07:22 PM 👁 38
Share: 💬 WhatsApp 📘 Facebook 𝕏 Post

ಜಿಲ್ಲಾ ಕಾಂಗ್ರೆಸ್ ಸಮಿತಿ ಕಚೇರಿಯಲ್ಲಿ ಬೀದರ್‌ನಲ್ಲಿ ಮಾಜಿ ಪ್ರಧಾನಿಯ 109ನೇ ಜಯಂತಿ ಆಚರಿಸಿ, ಅವರ ಕೈಗಾರಿಕಾ ಅಭಿವೃದ್ಧಿ ಕೊಡುಗೆಗಳ ನೆನಪನ್ನು ಹಂಚಿಕೊಂಡರು.

ಬೀದರ್, ನ.19: ಜಿಲ್ಲೆಯ ಕಾಂಗ್ರೆಸ್ ಸಮಿತಿ (ಡಿಸಿಸಿ) ಕಚೇರಿಯಲ್ಲಿ ಮಾಜಿ ಪ್ರಧಾನಿಯ, ಉಕ್ಕಿನ ಮಹಿಳೆ ದಿವಂಗತ ಇಂದಿರಾ ಗಾಂಧಿ ಅವರ 109ನೇ ಜಯಂತಿಯನ್ನು ಜಿಲ್ಲಾಧ್ಯಕ್ಷ ಮನ್ನಾನ್ ಸೇಠ್ ಅವರ ಅಧ್ಯಕ್ಷತೆಯಲ್ಲಿ ಅರ್ಥಪೂರ್ಣವಾಗಿ ಆಚರಿಸಲಾಯಿತು. ಈ ಸಂದರ್ಭದಲ್ಲಿ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರು ಇಂದಿರಾ ಗಾಂಧಿ ಅವರ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿ ಗೌರವ ಸಮರ್ಪಿಸಿದರು.

ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಮಾತನಾಡಿದ ಮಾಜಿ ಸಂಸದ ನರಸಿಂಗ್ರಾವ್ ಸೂರ್ಯವಂಶಿ ಅವರು, 1980ರ ಲೋಕಸಭೆ ಚುನಾವಣೆಯಲ್ಲಿ ಮೇದಕ್ ಕ್ಷೇತ್ರದಿಂದ ಸ್ಪರ್ಧಿಸಿದ್ದ ಇಂದಿರಾ ಗಾಂಧಿ ಅವರನ್ನು ಭೇಟಿಯಾದ ಸಂದರ್ಭಗಳನ್ನು ಸ್ಮರಿಸಿದರು. ಅವರು "ನಾನು ಚಿಕ್ಕ ವಯಸ್ಸಿನಲ್ಲಿಯೇ ಸಂಸದನಾಗಿ ಆಯ್ಕೆಯಾಗಿದ್ದಾಗ ಇಂದಿರಾ ಗಾಂಧಿ ಅವರು ತಾಯಿಯ ಮಮತೆಯಿಂದ ನನ್ನನ್ನು ಕಂಡಿದ್ದರು. ಆಗ ದೇಶದ ಕೈಗಾರಿಕಾರಹಿತ ಜಿಲ್ಲೆಗಳ ಪಟ್ಟಿಯಲ್ಲಿದ್ದ ಆರು ಜಿಲ್ಲೆಗಳಲ್ಲಿ ಬೀದರ್ ಕೂಡ ಒಂದಾಗಿತ್ತು. ಈ ಸಮಸ್ಯೆಯನ್ನು ಗಂಭೀರವಾಗಿ ಪರಿಗಣಿಸಿದ ಅವರು, ನನ್ನನ್ನು ತಮ್ಮ ಕಚೇರಿಗೆ ಕರೆಸಿಕೊಂಡು ವಿಶೇಷ ಪತ್ರದ ಮೂಲಕ ಬೀದರ್ ಹಾಗೂ ಹುಮನಾಬಾದ್‌ನಲ್ಲಿ ಎರಡು ಬೃಹತ್ ಕೈಗಾರಿಕಾ ಪ್ರದೇಶಗಳ ಸ್ಥಾಪನೆ ಮತ್ತು ಅಭಿವೃದ್ಧಿಗೆ ಅನುಮೋದನೆ ನೀಡಿದ್ದರು" ಎಂದು ಹೇಳಿದರು.

ಹಿರಿಯ ನಾಯಕರಾದ ಪಂಡಿತ್ ಚಿದ್ರಿ, ಶಂಕರ ದೊಡ್ಡಿ, ಅಮೃತರಾವ್ ಚಿಮಕೋಡೆ, ಬಷೀರುದ್ದೀನ್ ಹಲಹಿಪ್ಪರಗಾ ಮುಂತಾದವರು ತಮ್ಮ ಭಾಷಣಗಳಲ್ಲಿ ಇಂದಿರಾ ಗಾಂಧಿ ಅವರ ಆರ್ಥಿಕ, ಸಾಮಾಜಿಕ ಮತ್ತು ಮಹಿಳಾ ಸಬಲೀಕರಣ ಕ್ಷೇತ್ರಗಳ ಕೊಡುಗೆಗಳ ಬಗ್ಗೆ ಮಾತನಾಡಿ, ಅವರ ದಿಟ್ಟತನ ಮತ್ತು ನಾಯಕತ್ವವನ್ನು ಮೆಚ್ಚಿಸಿದರು.

ಜಿಲ್ಲಾಧ್ಯಕ್ಷ ಮನ್ನಾನ್ ಸೇಠ್ ಅವರು ಕಾಂಗ್ರೆಸ್ ಕಾರ್ಯಕರ್ತರು ಪಕ್ಷದ ಸ್ವಾತಂತ್ರ್ಯ ಹೋರಾಟದ ಇತಿಹಾಸ, ತ್ಯಾಗ ಮತ್ತು ಸಾಧನೆಗಳನ್ನು ಅರಿತುಕೊಳ್ಳಬೇಕು ಎಂದು ಒತ್ತಿ ಹೇಳಿದರು. ಕಾರ್ಯಕ್ರಮವನ್ನು ಜಿಲ್ಲಾ ಕಾಂಗ್ರೆಸ್ ಸಮಿತಿ ಪ್ರಧಾನ ಕಾರ್ಯದರ್ಶಿ ಜಾರ್ಜ್ ಫರ್ನಾಂಡಿಸ್ ನಿರೂಪಿಸಿ ಸ್ವಾಗತಿಸಿದರು, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮೊಹಮ್ಮದ್ ಯೂಸುಫ್ ವಂದನಾರ್ಪಣೆ ಸಲ್ಲಿಸಿದರು. ಉಪಾಧ್ಯಕ್ಷ ವೆಂಕಟ್ರಾವ್ ಶಿಂಧೆ, ಮುಂಚೂಣಿ ಘಟಕಗಳ ಅಧ್ಯಕ್ಷರಾದ ಸಂಜುಕುಮಾರ್ ಡಿ.ಕೆ., ನಿಸಾರ್ ಅಹಮದ್, ಎಂ.ಎ. ಸಮೀ, ಸಂಜುಕುಮಾರ್ ಕಾರ್ಕನಾಳಿಕರ್, ಪ್ರದೀಪ್ ಕುಶ್ನೂರ್, ಶಂಕರ ರೆಡ್ಡಿ, ಗೋವರ್ಧನ ರಾಥೋಡ್, ಚಂದ್ರಕಾಂತ ಪಾಟೀಲ್, ಜುಬೇರ್ ಪಟೇಲ್, ಸಾಯಿಕುಮಾರ್ ಘೋಡ್ಕೆ, ಶಿವಕುಮಾರ್, ಪ್ರಶಾಂತ ದೊಡ್ಡಿ, ಮೋಹನ್ ಕಾಲೇಕರ್, ಜಯಸೂರಜ್, ವಿನಯಕುಮಾರ್ ಮಾಳಗೆ, ರವೀಂದ್ರಕುಮಾರ್, ಪವನ್ ಮೀಠಾರೆ, ಭೀಮರಾವ್ ಮಾಲಗತ್ತಿ, ಸುಕೀರ್ತಿ, ಸಂಗೀತಾ ಕಾರ್ಬಾರಿ, ಸಂಗೀತಾ ಪಾಟೀಲ್ ಸೇರಿದಂತೆ ಜಿಲ್ಲಾ ಹಾಗೂ ತಾಲೂಕು ಮಟ್ಟದ ಪದಾಧಿಕಾರಿಗಳು ಮತ್ತು ಕಾರ್ಯಕರ್ತರು ಉಪಸ್ಥಿತರಿದ್ದರು.
📲Get App