🔥 ट्रेंडिंग कनाडा के प्रधानमंत्री मार्क कार्नी ने... बांग्लादेश के पीएम ने शेख हैसिना पर वि... मोदी ने GTA 6 के जोश से ‘न्यू इंडिया’... डेक्कन हरबर्ड का संपादकीय: राजनीतिक अस... तमिल थ्रिलर ‘ड्रोनस’ 20 नवम्बर 2026 को... ‘Mr Bhaarath’ का थियेटर रिलीज़ 11 दिसं...
20 नव. 2026•
ગુજરાતી मराठी ਪੰਜਾਬੀ বাংলা
સુરતના અમરોલીમાં જૂની અદાવત અને મકાન વિવાદમાં બે જૂથ વચ્ચે લોહિયાળ ધીંગાણું, 10થી વધુ ઈજાગ્રસ્ત
अपराध

સુરતના અમરોલીમાં જૂની અદાવત અને મકાન વિવાદમાં બે જૂથ વચ્ચે લોહિયાળ ધીંગાણું, 10થી વધુ ઈજાગ્રસ્ત

✍️ रिपोर्टर: Maheta Dhavalkumar Jitendrabhai 🗓 28 सित. 2026, 11:50 AM 👁 73
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

સુરતના અમરોલી વિસ્તારમાં ગઈકાલે મોડી રાત્રે જૂની અદાવત અને મકાન પચાવી પાડવાના વિવાદમાં બે જૂથ વચ્ચે થયેલા લોહિયાળ ધીંગાણામાં 10થી વધુ લોકો ગંભીર રીતે ઈજાગ્રસ્ત થયા છે. પોલીસે સ્થિતિ પર કાબૂ મેળવી કાર્યવાહી હાથ ધરી છે.

સુરતના અમરોલી વિસ્તારમાં ગઈકાલે મોડી રાત્રે બે જૂથ વચ્ચે જૂની અદાવત અને મકાન પચાવી પાડવાના વિવાદને લઈને લોહિયાળ ધીંગાણું સર્જાયું હતું. માથાભારે શખ્સોએ ખુલ્લેઆમ સોસાયટીમાં પાવડા, લાકડાના ફટકા અને પથ્થરો વડે એકબીજા પર હુમલો કર્યો હતો. જાહેરમાં થયેલી આ મારામારી અને પથ્થરમારાને કારણે સ્થાનિક રહીશોમાં ભારે ભય અને દહેશતનો માહોલ ફેલાઈ ગયો હતો.

ઘટનાની જાણ થતાં જ અમરોલી પોલીસનો કાફલો તાત્કાલિક ઘટનાસ્થળે પહોંચ્યો હતો. પોલીસે હિંસક બનેલી પરિસ્થિતિ પર કાબૂ મેળવવા માટે હળવો લાઠીચાર્જ કરવો પડ્યો હતો. આ હિંસક અથડામણમાં બંને પક્ષના મળીને કુલ 10થી વધુ લોકો ગંભીર રીતે ઈજાગ્રસ્ત થયા હતા, જેમને સારવાર માટે ખસેડવામાં આવ્યા છે.

પોલીસે હાલ આ મામલે બંને પક્ષોની સામસામે ફરિયાદ નોંધી લીધી છે અને કાયદેસરની કાર્યવાહી હાથ ધરી છે. પોલીસે ઘટનાસ્થળે વધુ બંદોબસ્ત ગોઠવી દીધો છે અને શાંતિ જાળવવા અપીલ કરી છે. આ ઘટના બાદ વિસ્તારમાં તંગદિલીનો માહોલ જોવા મળી રહ્યો છે.
📲Get App